How Victor Osimhen help Nigeria sama Rwanda 2-0 for 2026 World Cup qualifier

Victor Osimhen help Nigeria to move up di 2026 World Cup qualifiers group table afta di Super Eagles bin defeat Rwanda wit two goals.

Di game wey happun for Rwanda home soil on Friday 21 March bin witness impressive play from Nigeria Super Eagles as dem score two goals for first half from comfortable position.

For di 10th minute, Victor Osimhen put Nigeria for early lead wit correct goal inside di net afta Ademola Lookman give am a long ball.

Nigeria no too give Rwanda breathing space to score at all wit good tight marking both inside box 18 and outside di centre half.

Innocent Nshuti try all im efforts for Rwanda but as playmaker, Nigeria defenders no gree am and Stanley Nwabali stay gidigba for di goalppost.

Ademola Lookman wit good assists and super passes, and Moses Simon wit incredible dribbles bin give The Wasps some veri hard decision for di midfield.

Na just less dan 60 seconds bin remain make first half end wen Victor Osimhen get anoda chance again, dis time, na quick solo run e do wey e put di ball for inside Rwanda net. Goalkeeper Ntwari Fiarce just look as di ball pass am.

Na so Nigeria take get two goals bifor end of first half.

Second half bin sweet but no goal show face as di two teams still struggle to get goal but all na lie.

Wit dis win, Nigeria don move to fourth position wit six points for di 2026 World Cup qualifying group table.

Di next game go happun for Tuesday 25 March 2025, wen Nigeria go face Zimbabwe.

Rwanda 0 - 2 Nigeria

FULL TIME

Di Game Is Ova. Referee don blow FINAL WHISTLE.

90+3mins- Free kick for Nigeria, e dey outside di box of Rwanda. Di ball dey move for Nigeria hand.

5MINS ADDED TIME

90mins- Emmanuel wit a yellow card for im first game. Na dribble e wan do oo, but referee say e do foul

89mins- Nwabali is in knotrol oooooooo, e dey catch and punch ball anyhow

Rwanda 0 - 2 Nigeria

CANCELLED GOAL

Dat fit be a goal oooooo. Habimana get di ball, den move forward, dribble Nwabali den score, but referee say offside

87mins-

84mins- Nigeria go gatz win up to 5 matches to fit advance finally to di World Cup and dis game against Rwanda dey important too.

82mins- Muhire take free kick for Rwanda, but dat one dey poor, e no strong reach to enta into Nigeria box

SUBSTITUTION- Nshuti out, Habimana in. Ruboneka in.

80mins- Good ball so far but

77mins- Di ball is in play, wit Nigeria in possession of di ball. Time dey go but both teams neva taya to find goal.

SUBSTITUTION, Victor Osimhen out, Emmanuel Arokodare is in. Bright- Osayi out, Yusuff is in

Osimhen really do well for di first half. Two good goals

75mins- Victor Osimhen advancing wit di ball, e go shoot? Oh, yes, e shoot wide into di air above di goalpost

73mins- CORNER Rwanda. Not so good a corner, but Rwanda player put di ball in paly, Mugisha advancing inside Nigeria net. Oh, what a clear by Nigeria defenders

70mins- Muhire and Mugisha playing square ball from di side hoping to advance into di Nigeria space. Mugisha wit di ball again, distributing ball left and right. Dem go fit convert dis into goal? Make we dey see oooo

69mins- Bizimana of Rwanda and Ndidi of Nigeria bin go for di ball at once and di two of dem fall. Referee blow

We go see how di game go turn out wit dis changes wey di coach don make.

Rwanda 0 - 2 Nigeria

67' SUBSTITUTION for Nigeria- Ola Aina out, Onyemachi in. Chukwueze out, Onyedika in

66mins- Ola Aina wit a good throw, two times from dia oda side of di Rwanda half. Di ball don get to Moses Simon, giving good dribble, trying to set di pace for a goal, but di Rwanda guys block am

64mins- Bassey dey handle good ball for Nigeria defence, dem dey try hold di ball on dia oda hand, but di attack from Rwanda dey give good pressure ooooo

62mins- Ndidi wit good tackle for di middle making Nigeria thrive well wit attack, even though Rwanda don increase dia passes and dribble

60mins- Nwabali wit good save dia, Nshuti Innocent wey be good play maker for Rwanda bin try run into di box 18 but Nigeria goalkeeper handle di ball well

Nigeria still dey wait for dia own first sub as dem dey put di ball in play.

58' SUBSTITUTION Kevin Muhire in, Sahabo out for Rwanda

Rwanda 0 - 2 Nigeria

56mins- So mmuch space for di middle for Nigeria to play and score anoda goal, Lookman grab di ball, good dribble, but dem don fall am down. A quick free kick wey lead to anoda corner for Nigeria. Lookman take di corner sharp but e no convert am

54mins- Bad play dia by Rwanda players, dem lose di ball for middle afta Mugisha pass give im opponent

Mugisha try good cross into di box 18, but Nwabali save am as e catch am for hand

GOOD SAVE'

52mins- Nwabali is down afta di corner kick by Rwanda no touch anybody but dem fall a down, e don rise back to play

Pressure dond dey ooo, Nshuti wit beautiful cross but Troost-Ekong bin head am comot

50mins- CORNERKICK by Lookman again, oh, e pass ova di head of all di players

putting in so much energy to put a goal in Nigeria net, but Nwabali just stop dat beautiful chance from Rwanda

49mins' YELLOW CARD. Winifred Ndidi chop yellow card afta e go give Bizimana hard tackle.

46mins- Di game don start, such a hard tackle on Osimhen in just less dan 60seconds to di start of second half

YELLOW CARD

Bizimana Djihad chop yellow card for di tackle against Victor Osimhen.

Ademola Lookman to take di free kick

Rwanda 0 - 2 Nigeria

FIRST HALF

Di two teams stand to sing dia national anthem

Match don start!

1min- Di match don kick off as di two teams dey lead go attack and clear ball decision

3mins- FREE KICK for Nigeria. Ademola Lookman take di kick. E step forward to take dat kick, Bassey follow am but e no touch am well.

5mins- Ola Aina wit a good run from di side, such a fast runner wit di ball, good chance for di middle of Rwanda half line

Nigeria playing good game for di front of Rwanda goalkeeper but dem neva convert am

7mins - Rwanda goalkeeper Ntwari Fiacre doing well wit di ball so far as e neva allow any shot pass am, good save and good positioning

Manzi Thierry dey give Super Eagles some wahala for front but di defenders no gree

9mins- Di Super Eagles team dey struggle to get a goal

GOOOOOOOOOAAAAAAAAAAAALLLLLLL

Rwanda 0 - 1 Nigeria

Victor Osimhen put Nigeria for early lead. Dis na Osimhen first World Cup qualifiers game dis period and e no disappoint

10mins - Osimhen put correct goal for inside di net from a long ball from Lookman

12 mins- Ange dey try do some small play for Rwanda but Nigeria players dey give am tight marking wit no breathing space

13mins - FREE KICK FOR NIGERIA again, Ademola Lookman taking dat wit plenti Nigeria players setting up to head and score.

Oh now, Captain Troost-Ekong head am up, e no keep im head down

15mins- Ola Aina wit some dribbles, oh no, dem don push am down ooooo. FREE KICK for Nigeria again

Lookman star boy don step up to play again.

OH NOOOOOO, Troost-Ekong miss dat chance for front of goal, di ball waka pass di Rwanda goalkeeper Ntwari to di back of di post

16mins - Di fans dey ginger di field wit shouts, drums and raising of flags to support dia team

Short Break: Di referee don blow make di players rest small and drink water

19mins - Di ball is back to play, oh, Nigeria goalkeeper Nwabali touch ball wit a long goalkick into di middle of di field

Rwanda dey try find dia way into di oda half of di pitch, but Alex Iwobi dey guard evriwia

21mins- Ademola Lookman wit di ball, good run, oh no, e fall for di side of di box 18 as e lose di ball. Dat na veri important moment wey for change di game again

22mins- That is a FOUL against Nigeria player, Niyomugabo Claude wit di hard tackle, referee don blow di whistle and Super Eagles take quick free kick

24mins - Good pass by Victor Osimhen, great run by Moses Simon, WHAT A SHOT!!! Moses Simon strike from di edge of di post but Rwanda goalkeeper Ntwari punch di ball comot go corner kick. dat for change di game again

CORNER KICK for Nigeria

Good header by Osimhen but dat dey too high

26mins- Di shout from di fans dey ginger di players

27mins- Good run by Rwanda player, Hakim Sahabo wit a good run, sheyy e fit convert am? Oh kaiiiii, e lose am

Tight counter attack for Nigeria to convert, Moses Simon get di ball, GOOD ATTEMPT dia but Rwanda defender block am

Rwanda 0 - 1 Nigeria

29mins- Corner for Nigeria, Ademola Lookman at evri angle and Moses Simon delivering good ball. Lookman wit di balancing as Iwobi give am good pass

30mins- Rwanda get a chance to move to move forward, Samuel Gueulette wit a good run, nice ball kontrol, good dribble, oh no, Iwobi clear am comot

33mins- Rwanda dey oput pressure for Nigeria head but di game neva dey ova yet

38mins- Mugisha is in afta dem comot Samuel Gueulette

Di President of Rwanda Paul Kagame come watch di game too wit im wife

45 mins- CORNER for Rwanda, dis na dia first corner for di match, dem dey set wall to fit convert am, Hakim Sahabo dey in position to convert

GOOD SAVE, Nwabali punch di ball comot from di head of di players, e neva dey ova ooo. Nshuti Innocent wit anoda good cross, but no, e no get any effect

3 MINS ADDED TIME

45+1mins- More pressure dey ontop Nigeria head to fit keep di point well for dia side but Rwanda too dey give veri good struggle to equalise

GOOOOOOOOOOOOOOOOOAAAAAALLLLLLLLLL

IT IS VICTOR OSIMHEN AGAIN WIT DI GOAL

45+2mins' Brilliant solo run by Victor Osimhen as e put di ball behind Rwanda goalkeeper Ntwari

E double do scoreline

Rwanda 0 - 2 Nigeria

Na just few seconds to stoppage time bifor Osimhen give dat incredible goal to put sand for Rwanda face

And di whistle go up to end di first half.

First Half Don End!!!

Rwanda 0 - 2 Nigeria

Nigeria dey jam Rwanda on Friday evening for dia crucial 2026 World Cup qualifying match.

Super Eagles dey fifth for group C wit just three points.

Dis na one of di tightest groups, three teams – Rwanda, South Africa, and Benin – all dey tied on seven points.

Meanwhile, South Africa go dey eye two wins to take control of di group.

Na only di group winners go secure direct qualification while di four best runners-up go fight for a playoff spot, as tins be now evri match mata.

Egypt, Sudan, Ivory Coast, Tunisia, and Morocco currently dey lead dia groups.

Rwanda first eleven:

Ntwari Fiacre (GK), Omborenga Fitina, Niyomugabo Claude, Mutsinzi Ange, Manzi Thierry, Bizimana Djihad (c), Mugisha Bonheur, Sahabo Hakim, Kwizera Jojea, Samuel Gueulette, Nshuti Innocent

Sustitutes

Ishimwe, Maxime, Gilbert, Niyigena, Habimana, Iraguha, Ruboneka, Muhire, Manishimwe, Obed, ishimwe, Mugisha.

Nigeria first eleven

Nwabali, Aina, Ndidi, Ekong, Lookman, Osimhen, Chukwueze, Osayi, Simon, Iwobi, Bassey

Substitutes

Bankole, Onyemachi, Igoh, Arokodare, Ayodele Daniel, Torunarigha Obasogie, Abdullahi Umar, Onyedika, Boniface