Fifa Africa World Cup qualifiers fixtures
Wia dis foto come from, Getty Images
African qualifiers for di 2026 Fifa World Cup bin resume dis week afta nine-month break - and di stakes dey high for some big names.
Six rounds of di 10-match group campaign still remain, di two fixtures dis month go go a long way to decide di fate of many teams.
Di nine group winners dey guaranteed a place for di finals for Canada, Mexico and USA.
Di four best second-placed sides get a chance to earn one final spot via play-offs.
Several managerial changes don take place since di last round for June, Nigeria, Senegal and Tunisia dey among di sides wit new coaches.
Match Day 5 of di qualifiers go end on Friday, 21 March wit a total of 13 fixtures.
World Cup qualifiers fixtures - Match Day 5
Monday, 17 March
Tanzania vs Congo
Wednesday, 19 March
Liberia 0 -1 Tunisia
Eswatini 0 - 0 Cameroon
Central African Republic 1-4 Madagascar
Thursday, 20 March
Mozambique 3 - 1 Uganda
Malawi 0 - 1 Namibia
Zimbabwe 2- 2 Benin
Cape Verde 1 - 0 Mauritius
Sierra Leone 3 - 1 Guinea-Bissau
Libya 1 - 1Angola
Gabon 3 - 0 Seychelles
Gambia 3 - 3 Kenya
Comoros 0 -3 Mali
Friday, 21 March
Equatorial Guinea 2 - 0 Sao Tomé and Principe
Botswana 1 - 3 Algeria
Rwanda 0 - 2 Nigeria
Burkina Faso 4 - 1 Djibouti
DR Congo 1 - 0 South Sudan
South Africa 2 - 0 Lesotho
Togo 2 - 2 Mauritania
Ghana 5 - 0 Chad
Burundi 0 - 1 Cote d'Ivoire
Sudan 0 - 0 Senegal
Guinea 0 - 0 Somalia
Ethiopia 0 - 2 Egypt
Niger 1 - 2 Morocco
No room for error
Among di heavyweights of di continent wey no fit afford any mistake na Nigeria - dem get di greatest need for immediate results.
Wit three draws and one loss to dia campaign, Super Eagles bin secure dia first win wen dem take on Rwanda wey dey top Group C. And dis don move dem to fourth position for di Africa qualifiers table wit six points.
South Africa bin play host to Lesotho for di same group and sama dem 2-0. Na dem dey number one position for di World Cup Africa qualifiers Group C table wit 10 points.
Nigeria coach take a veri high-profile role wey dey amplified by difficult circumstances.
Di former Mali coach become di first non-Nigerian African to take charge of di Super Eagles.
Di West Africans go host Zimbabwe afta dia win for Rwanda.
Bifor dem play Rwanda, Chelle bin accept say dis na must-win matches for di three-time African champions.
"Pressure dey for football," im tell BBC Sport Africa.
"I go say time na di coach enemy. But I dey confident and I believe in my players."
Star striker Victor Osimhen say im and im team-mates dey "desperate" to make di finals afta dem miss out on di 2022 edition for Qatar.
Saintfiet hope to make history wit Mali
Another new boss wey need positive results na Tom Saintfiet, im dey look to revive Mali campaign for Group I afta im take ova from Chelle.
Di Eagles bin cut di four point gap wey di group leaders Comoros get, wen dem sama dem 3-0. Dem dey number four position for dia group wit 8 points.
"We no dey easy position but I get a veri talented group," Saintfiet tell BBC Sport Africa.
"Na big luxury to get so many quality players."
Mali neva qualify for World Cup finals bifor, dem bin go unbeaten through preliminaries for di 2025 Africa Cup of Nations (Afcon) - Saintfiet dey upbeat about dia hopes.
"After six matches wit four wins, two draws, I dey positive," di Belgian add.
"We dey do evritin to write history."
