چینایی چارواکی واشنګټن ته د جاسوسۍ په تور نیول شوی
د عکس سرچینه، AP
له هانګ کانګ څخه رپوټونه وايي یو چینایی چارواکی د امنیت وزارت امریکا ته د جاسوسۍ او محرمو اسنادو د افشا کولو په تور نیولی دی.
رپوټونه وايي، چې دغه چارواکي د امنیت وزارت د مرستیال ځانګړی همکار او سکرتر و.
ویل کیږي چې تورن د روان کال په لومړیو کې نیول شوی.
خو د امریکا د بهرنیو چارو وزیرې هیلري کلنټن ددغه د نیولو په اړه له څه ویلو ډډه کړې ده.
که چېرې دا خبر ثابت شي، نو دا به درېیم ځل وي چې د چین- امریکا ترمنځ اړیکي په څو میاشتو کې ورو ورو خرابېدونکي دي.
د چین او امریکا ترمنځ د جاسوسۍ د تورونو لړۍ په تړاو تورونه او نیونې له ۱۹۸۵ کال راهیسې پیل شوې دي.
هغه مهال یو چینایی استخباراتي مشر یو کیانګشینګ امریکا ته د جاسوسۍ او خدمت په تور ګوښه شو.
سیمه ییز راپورونه وايي، چې د امریکا مرکزي استخباراتو (سي آی اې) دغه چینایی چارواکی ګمارلی و.
د تېرې مۍ په ۲۵مه خپاره شوي یوه بل راپور کې راغلي چې "ښاغلی یوکیانګشینګ د هغې ښکلې ښځې مینې پسې واخیست چې سي آی یې ګمارلې وه."
یوې سرچینې رویټرز ته ویلي "د دغه تورن کار ډېر اغېزناکه او ویجاړوونکی و، چې د تېرې جنورۍ په میاشت کې ونیول شو. پر نوموړي تور دی چې څو کاله یې امریکا ته جاسوسي کوله."
خو د چین د بهرنیو چارو وزارت په دې اړه څه نه دي ویلي.
