سعودي کې یوه ښځه د جادو په تور اعدام شوه
د سعودي خبري رسنیو ویلي، چې د هېواد په شمالي ولایت "الجوف" کې د عبدالحلیم بن سلام ناصر د لور امينې سر غوڅ کړای شو.
دا دویم ځل دی چې په روان کال کې د سحر او جادو په تور تورن اعدامېږي.
تر دې وړاندې په سپتمبر کې هم یو سودانی د جادو په تور اعدم شو.
د بي بي سي د سیاسي چارو خبریال سبستیان آشر وايي، د کورنیو چارو وزارت ویلي، د سعودي سترې محکمې ددې جادوګرې د اعدام پرېکړه وکړه، خو د پرېکړې او تور په اړه یې نور جزییات ورنه کړل.
د سعودي حکومت پلوې "الحیاة "ورځپاڼې – چې لندن کې خپرېږي – د عربستان د امر بالمعروف د ډلې د یوه کس په حواله ویلي، اعدام شوې جادوګروه نژدې ۶۰ کلنه وه، چې په وینا یې خلک یې د پیسو ورکولو په مقابل کې تېرایستل.
دغې جادوګرو به خلکو ویل چې ګني د ناروغیو درملنه یې کوي.
د بي بي سي خبریال زیاتوي، دغه تورنه د ۲۰۰۹ په اپریل کې نیول شوې.
"د اسلام لپاره خطر "
خو د بښنې نړیوال سازمان وړاندې د هغو سعوديانو ملاتړ کړی چې د جادوګرۍ په تور په اعدام محکوم شوي وو.
دغه سازمان وايي چې وړاندې ددغې ښځې په تور نه وو خبر.
د ویلو ده چې سعودي کې د اعدام شوی جادوګر د ژغورلو لپاره د بښنې نړیوال سازمان ډېرې هلې ځلې وکړې.
په ۲۰۰۷ کې هم یو بل مصری د ښځې او میړه ترمنځ د جلا کولو په تور اعدام شو.
خو لبنانی چې په یوه تلوېزیوني پروګرام کې کارکوونکی هم و، د اعدام سزا ورته واورول شوه.
پر هغه د بخت معلومولو تور و، خو سترې محکمې له دې کبله خوشی کړ، چې ګني د هغه دا کار نورو ته زیان نه رسوي.
