ګامبیا کې د څلورو ماشومانو له مړیني وروسته هند کې د ټوخي شربت تولید بند شو

هند کې روغتیايي چارواکو وروسته له هغې د ټوخي شربت د تولید بندولو امر کړی چې له امله یې ګامبیا کې څلور ماشومان مړه شوي وو.

هند کې د درملو تنظیموونکو موندلې چې مایدین په نامه درمل جوړوونکي شرکت "د خپل تولید او ازمایښت فعالیتونو په اوږدو کې" قوانین مات کړي و.

روغتیا نړیوال سازمان هم د مایدین ټوخي څلورو شربتونو په اړه نړیوال خبرداری خپور کوی و چې د نږدې ۷۰ ماشومانو د مړینې لامل شوی وو.

اوس هند او او ګمبیا کې په دې اړه څېړنې روانې دي.

د درملو تنظیموونکو ویلي چې په نوي ډیلي کې یې د دغه شرکت ټول تولیدي فعالیتونه وروسته له هغې وځنډول چې وموندل شوه د خوندیتوب له یو شمېر قوانینو یې سر غړولی و.

دوی زیاته کړې چې " دا پرېکړه د څېړنو پر مهال د سرغړونو پر وړاندې د جدیت او د تولید شویو درملو کیفیت، خوندیتوب او اغېزمنتیا ته د احتمالي ګواښ په پام کې نیولو سره وه."

مایدین شرکت تر دې مهاله په دې اړه د بي بي سي پوښتنو ته ځواب نه دی ورکړی.

تېره اوونۍ یې ویلي و چې" د مړینې په اړه د رسنیو د رپوټونو له اوریدو حیران شوي یو او د دغې پېښې په اړه ډېر خواشیني یو."

روغتیا نړیوال سازمان چارواکو ویلي و چې دا شربت دغه هندي شرکت چمتو کړي دي او د خوندیتوب په هکله یې هېڅ تضمین نه دی ورکړی.

ډبلیو ایچ او مسوولینو یې همدا راز ویلي و چې، دغه شربت د پښتورګو له سخت ټپي کېدو او د ماشومانو له ۶۶ مړینو سره اړیکه لري.

دغه سازمان خبرداری ورکړی و چې د یاد شرکت حصولات "ښايي د غیر رسمي بازارونو له لارې له ګامبیا سربېره نورو هېوادونو او سمیو ته توزیع شوي وي."

د روغتیا نړیوال سازمان دغه درمل د''Promethazine Oral Solution, Kofexmalin Baby Cough Syrup, Makoff Baby Cough Syrup and Magrip N Cold Syrup''په نومونو یاد کړي دي.

ګمبیا کې پولیسو د ماشومانو د مړینې وروسته پلټنې روانې کړي دي او ګمبیایان د عدالت غوښتنه کوي.

د ګمبیا ولسمشر اډاما بارو ویلي چې چارواکي به په څېړنو کې " هیڅ ډول نیمګړتیا پرېنږدي."

په یوه لومړني رپوټ کې چې د سه شنبې پر ورځ خپور شو د ګمبیا پولیسو ویلي و چې د ټوخي شربت د یوې امریکايي کمپنۍ له خوا لویدیځ افریقايي هېوادونو ته لېږدول شوي و.

رپوټ کې دا هم ویل شوي و چې د بې کیفیته شربتونو د پنځوس زره بوتلونو لویه برخه چې هېواد ته لېږدول شوي وه اوس نیول شوي دي.