مکه کې د سندرې له کبله د سندرغاړې د نیولو امر شوی
د عکس سرچینه، youtube @Asayel Slay
سعودي چارواکو د هغې سندرغاړې د نیولو غوښتنه کړې چې د مکې ښار د ښځو په اړه یې د مسلمانانو ددغه سپېڅلي ښار په یوه خوړنځي کې سندره ویلې او وېډیو یې ثبت کړې ده.
د خواله رسنیو کارنو ددغې سندرغاړې پر دې کار سخته غوسه ښودلې او ځینو د سعودي ترکي آل الشیخ له خوا د تفریحي پروګرامونو د پیلولو ناوړه پیلامه بللې ده، چې په وینا یې غواړي په هېواد کې دیني ارزښتونه له منځه یوسي.
د سندرغاړې اصایل سلاي پر یوټیوب پاڼه تېره اونۍ یوه سندره خپره شوې چې د خلکو سخته غوسه یې پارولې ده.
ځینو فعالانو ویلي: "د چارواکو دریځ منافقانه دی"، ځکه چې ولیعهد محمد بن سلمان په محافظه کاره هېواد کې د اصلاحاتو راوستو په پلمه د خپلو سیاسي مخالفانو او فعالانو د ځپلو لپاره لار هواره کړې ده.
خو ځینو بیا ویلي، چې دغې سندرغاړې یې استازیتوب کړی دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د مکې امیر خالد الفیصل د پنجشنبې په ورځ یو امر کې د یادې سندرې جوړولو له کبله د ځینو چارواکو د نیولو امر کړی. نوموړي د سندرې جوړول د ښار دود او دستور ته سپکاوی بللی دی.
د یادې سندرغاړې یوټوب اکونټ ډیلیټ شوی او دغه سندره ترې غورځول شوې ده.
ځینو ویلي، دا سندرغاړې ځکه نیول کېږي چې د پخواني او اوسني سعودي له جوړښت سره یوشان نه ده.
