د یهودانو 'هولوکوسټ' کې د سعودي ملا امامت غبرګونونه پارولي

دې لپاره چې انټرنېټ مو لږ مصرف شي، یوازې متن ولولئ

د عکس تشریح، د مسلمانانو نړیوالې ټولنې پلاوي د یهودانو ټولوژنې کمپ کې لمونځ وکړ

۵ سلواغه ۱۳۹۸ - ۲۵ جنوري ۲۰۲۰

د مسلمانانو نړیوالې ټولنې یا د Muslim World League مشر محمد العیسی په پولنډ کې د نازیانو "اوشفیتز" کمپ ته ورغلی او هلته یې د بندیانو د خوشي کېدو په ۷۵ مه کلیزه ګډون کړی او د جماعت امامت یې کړی.

د نوموړي دې کار په عربي نړۍ کې یو ټرېنډ جوړ شوی چې زښت ډېر غبرګونونه پرې ښودل شوي.

ښاغلی العیسی، چې د سعودي د عدلیې پخوانی وزیر هم و، دغه کمپ ته د یهودي بندیانو د خوشي کېدو د یاد لمانځغونډې ته ورغلی و.

پر خواله رسنیو د ښاغلي عیسی یوه وېډیو خپره شوې چې په کمپ کې له خپل پلاوي سره د جماعت لمونځ کوي.

د اسراییلو ستاینه

اسراییلو پر خواله رسنیو د العیسی دا لیدنه ستایلې ده. اسراییلو پر ټوېټر عربي ژبه لیکلي: "د مسلمانانو نړیوالې ټولنې عمومي منشي سعودي محمد العیسی له یوه پلاوي سره د اوشفیتس کمپ ټولوژنې په یاد کې دغه کمپ ته ورغلی او هلته یې لمونځ کړی. په دې کمپ کې د هولوکوسټ پرمهال تر یو میلیون ډېر یهودان ووژل شول."

د العیسی په رسمي پاڼه له یوه یهودي عالم سره د هغه انځور خپور شوی او دا تبصره ورسره لیکل شوې: "یو انځور زر ټکي: د ورورګلوۍ ښه راغلاست سره د بښنې نوې پاڼه پرانیستل شوه، سعودي مذهبي مشر محمد العیسی د لومړي ځل لپاره اوشفیتس کمپ ته تللی او له یهودي مذهبي مشر سره یې کتلي."

دې X پوسټ نه تېرشئ, 1

ایا له X نه د منځپانګې اجازه شته؟

دې لیکنه کې له social media راخیستل شوي مواد شته.‌ له ښودلو وړاندې یې ستاسې اجازه پکار ده، ځکه ښایي‌کوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ

خبرداری:‌ ښايي درېیمګړي ته اړوند منځپانګه کې اعلانونه وي

د ‍پوسټ X پای, 1

منځپانګه نه شته

په X کې نور وګورئ بي بي سي. بي بي‌ سي‌ د نورو ویبپاڼو د محتوا مسوله نه ده.

د اسراییلي پوځ ویاند افیخاي اردغي هم لیکلي: "دا ریښتینی اسلام دی! سعودي مذهبي مشر محمد العیسی او پلاوی یې په اوشفیتز کمپ کې د یهودي هولوکوسټ د قربانیانو یاد کې لمونځ وکړ، وېډیو وګورئ او پند ترې واخلئ، د دینونو ترمنځ ورورګلوي د هر خیر لامل دی"!.