دوبۍ کې ټرافیکي پېښې ۱۷ کسان وژلي دي
د عکس سرچینه، Getty Images
په دوبۍ کې د ټرافیکي پېښې له امله شاوخوا ۱۷ کسان وژل شوي او ګڼ نور ټپیان دي.
پېښه هغه مهال رامنځ ته شوې چې د محمد بن زاید په عمومي سړک یو بس ګاډی له ټرافیکي نښان سره جنګېدلی دی.
د دوبۍ پولیس وايي په دې ګاډي کې شاوخوا ۳۱ د بېلابېلو هېوادونو کسان سپاره وو.
هندي چارواکو ویلي د وژل شویو په ډله کې اته تنه یې هندي وګړي دي.
پولیس وايي، ددې بس له ۵۰ کلن چلوونکي نه چې برسېرن ټپي شوی، څېړنې روانې دي.
د دوبۍ پولیسو په خپل رسمي ټویټر د قربانیانو له کورنیو سره خپله غمشریکي په ډاګه کړې ده.
د دوبۍ د پولیسو مشر عبدالله خلیفه الماري ویلي: "د موټر چلولو پروخت لږه تېروتنه بدې پایلې درلودای شي."
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
تر اوسه د پېښې د لامل او نورو جزیاتو په اړه رسمي چا څه نه دي ویلي.
سیمه ییزو رسنیو ویلي چې چلوونکي د ټرافیکي نښان نه خپل ګاډی بچ کړی او ورسره یې ټکر کړی دی.
دوبۍ کې د هند سفارت د وژل شویو نومونه خپاره کړي دي او ویلي یې دي چې ددې هېواد اته وګړي په وژل شویو کې شامل دي او د ګڼو ټپیانو شویو هندیانو درملنه روانه ده.
ددې بس عماني کمپنۍ 'مواصلات' هم په ټویټر له قربانیانو سره خپله خواخوږي شریکه کړې او اعلان یې کړی چې د مسقط او دوبۍ ترمنځ ددې کمپنۍ د ګاډو تګ راتګ تر بیا اعلانه ځنډیدلی دی.
