پاکستان؛ نورې نړۍ ته وېښتان صادروونکی هېواد
د عکس سرچینه، EPA
د پاکستان د سوداګرۍ وزارت ویلي، دغه هېواد په تېرو پنځو کلونو کې د انسانانو د وېښتانو د صادراتو له خرڅلاوه کابو یو میلیون او شپږ سوه زره امریکايي ډالر ګټه ترلاسه کړې ده.
خو اوس د پاکستان ځای چین نیولی.
چین چې د ښکلا توکو په برخه کې پرمختلونکی هېواد دی، د پاکستان له خوا د انساني وېښتانو واردوونکو هېوادونو په سر کې راځي.
دغه هېواد څه باندې سل زره کیلوګرامه د انسانانو وېښتان وارد کړي دي.
له پاکستان نه د چین سربېره امریکا او جنوبي کوریا ته هم ډېر وېښتان واردېږي .
پاکستان په وروستیو کې د انسانانو د وېښتانو واردوونکو هېوادونو په نړیوال نوملړ کې شامل شوی دی.
د پاکستان ډان ورځپاڼې ویلي، دا چې په چین کې د انسان وېښتانو ته اړتیا په ډېرېدو ده، پاکستان کې د چین لپاره یوه کیلو وېښتان په پنځه یا شپږ زره کلدارو اخیستل کېږي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
رپوټ وايي، له پاکستانه د لوړ کیفیت وېښتان بیا امریکا او جاپان ته استول کېږي.
د پاکستان د سوداګرۍ وزارت د معلوماتو له مخې، له ۲۰۱۳ کال راهیسې تر اوسه چین ته له پاکستانه د انسانانو ۱۰۵۴۶۱ کیلوګرامه وېښتان صادر شوي دي.
ملګرو ملتونو ویلي وو، په اسیايي هېوادونو کې میانمار هم د انسانانو د وېښتانو په ډېرو صادروونکو هېوادونو کې راځي. دغه هېواد له ۲۰۱۱ کال راهیسې د انساني وېښتانو د سوداګرۍ نوملړ کې څلورم لوی واردوونکی هېواد ګڼل کېږي.
د عکس سرچینه، The Hair Addict
