ولسمشر ټرمپ د شمالي کوریا له مشر سره غونډه لغو کړه
د عکس سرچینه، Getty Images
د امریکا ولسمشر ډونالډ ټرمپ د شمالي کوریا له مشر کیم جونګ اون سره پلان شوې غونډه لغو کړه.
نوموړي ویلي چې دا پرېکړه د (ډېرې غصې او کړکېچ ډکې) خبرپاڼې پر بنسټ کوي چې د شمالي کوریا په دې وروستیو کې خپره کړې وه.
ښاغلي ټرمپ ویلي دا به (نامناسبه) وي چې دغه غونډه د جون پر ۱۲مه په سنګاپور کې وشي.
په هغه لیک کې چې د سپینې ماڼۍ له لوري خپور شوی راغلي، چې ټرمپ غوښتل چې له ښاغلي کیم سره وګوري.
همدا پنجشنبه بیا د شمالي کوریا چارواکو د امریکا د مرستیال ولسمشر مایک پینس هغه خبرې رد او (احمقانه) وبللې چې شمالي کوریا یې له لیبیا سره پرتله کړې وه.
د سپینې ماڼۍ لخوا خپور شوی لیک چې د ولسمشر ټرمپ له لوري لاسلیک شوی دی.
او د سپینې ماڼۍ لخوا شوی ټویټ:
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
