حج؛ د سعودي عربستان د عاید لویه سرچینه
د پاکستان ایکسپریس ټرېبیون ورځپاڼې سعودي عربستان په اړه یو مطلب لیکلی چې وايي، سعودي عربستان پر تېلو سربېره د عاید بله سرچینه موندلې او هغه د حج له مراسمو تر لاسه کېدونکې پیسې دي.
دغې ورځپاڼې د یوې فرانسوۍ رسنۍ پر بنسټ لیکلي، سعودي عربستان هر کال له مذهبي سیلانیانو میلیادردونه ډالر تر لاسه کوي.
سعودي عربستان ته سږ کال د نړۍ له ګوټ ګوټه دوه میلیونه ۳۵۰ زره مسلمانان د عمرې او حج مراسمو ته تللي دي.
ورځپاڼې د مکې د سوداګرۍ خونې د مشر له خولې لیکلي چې سږ کال سعودي عربستان د حج له درکه ۶ میلیارده ډالر عاید تر لاسه کړی او زیاته کړې یې ده چې په دې عاید کې ۷۰ سلنه زیاتوالی راغلی دی.
پاکستانۍ نیوز ورځپاڼه:
بلې پاکستانۍ ورځپاڼې د هندوستان په کابینه کې وروستیو ټاکنو ته تم شوې ده.
هندوستان په دا وروستیو کې پر دوه مهمو څوکیو (کورنیو او دفاع وزارتونو) دوه ښځې ګومارلي دي.
د هندوستان د کورنیو چارو نوې ټاکل شوې وزیره رنجیت سینګ نومېږي او د دفاع وزرات ته ټاکل شوې مېرمن بیا نرمیلا سیتارامان نومېږي.
سیتارامان یوه ټلوېزیوني چینل ته ویلي، نړۍ دې فکر وکړي چې هندوستان په کوم وضعیت کې دی.
