تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
دښته کې ۴۴ کسان له تندې مړه شوي
سره صلیب چارواکو بي بي سي ته ویلي، د نایجر صحاره نومې دښته کې ۴۴ کسان له تندي مړه شوي دي.
د سره صلیب یوه چارواکي لاول طاهر په وینا پېښه کې شپږ ژوندۍ پاتې ښځو ویلي، د دغو کسانو د سپرلۍ لارۍ دښته کې له کاره لوېدلې وه.
ژوندۍ پاتې ښځې دیرکو نومي سیمه کې یوه نژدې کلي ته رسېدلې وې. دوی وايي مړو شویو کسانو کې ماشومان هم شته.
د نایجریا صاحلین نومې وېبپاڼې په خبره دغه کسان چې د ګینیا او نایجریا اوسېدونکي وو، هڅه یې کوله لیبیا ته لاړ شي.
ښاغلي طاهر ویلي، تر اوسه د مړیو پېژندګلوۍ لپاره دښتې ته څوک نه دي تللي.
ډېر هغه افریقا کډوال چې د مېدېترانې له لارې اروپا ته ځي شمالي افریقا ته د رسېدو لپاره د نایجر دغه لاره کارووي.
د رویټرز خبري اژانس په رپوټ کې ویل شوي د دوی د سفر لارې اوږدو کې د سارا دغه سفر ځکه ډېر ستونزمن دی، چې په کوچنیو پک اپ لاریو کې د اوږده مزل لپاره لږ اوبه لېږدول کېدای شي.
چارواکو رویټرز ته ویلي، د دښت پراخوالي او په کې د پولیسو نشتوالي له کبله ګرانه ده، چې معلومه شي، پېښه کې د وژل شویو کسانو کره شمېر څومره دی.
