د کورونا وېروس د درملنې لپاره نوې هیلې

برتانوي سایسنپوهان غواړي د داسې درملنې ازمویل پیل کړي چې ښايي د کورونا وېروس په خورا سختو ناروغانو کې د دې وېروس اغېز کم کړي.

اوسنۍ موندنې ښيي چې کوم کسان د کورونا خورا سخته ناروغي لري په دوی کې د ټي ژونکې په نوم د خوندیتوب یوه ژونکه ډېره کمه وي.

ټي ژونکې له بدن عفونت لري کوي.

طبي ازماینې به دا وارزوي چې ایا اینټرولیکین-۷ درمل چې فکر کېږي د ټي ژونکو شمېر زیاتولی شي، د کورنا د رنځورانو له رغېدو سره مرسته کولی شي کنه؟

دې پلټنه کې د برتانیا د مختلفو پوهنتونونو او طبي مرکزونو ادارې ښکېلې دي.

دوی د کووېډ-۱۹ په ۶۰ ناروغانو کې د خوندیتوب یا دفاعي ژونکې څارلې او په یو شمېر ټي ژونکو کې یې ښکاره زیان لیدلی دی.

د کرېک انستیتیوت غړی پوهاند ادرین هایډې وایي، دې ډېر هیښ کړ چې ویې لیدل د خوندیتوب ژونکو ته څه پېښېږي:

"دوی زموږد خوندیتوب هڅه کوي، خو ویروس داسې ښکاري چې تر دوی لاندې بنسټ له منځه وړي، ځکه د دې ژونکو شمېر په ډراماټیک ډول کمېږي".

هغه بالغ کسان چې عادي صحت ولري د وینې د یو څاڅکي په یو مایکرو لېټر( ۰،۰۰۱) ملي لېتر کې یې له دوو زرو تر څلور زرو ټي ژونکې یا لیمپوسېټ وي.

خو د کووېډ-۱۹ هغو ناروغانو کې دا ژونکې له ۲۰۰ تر ۱۲۰۰ وې چې دې ډلې معاینه کړي دي.

ډېر هڅوونکي

څېړونکي وایي، دا موندنې دوی ته دا لار برابروي چې د ګوتنښو داسې ازموينه شونې کړي چې له لارې به یې په وینه کې د ټي ژونکو کچه مالومه کړي چې په دې ډول ښايي د لا سختو ناروغيو د لومړنيو نښو موندل شوني شي.

دا موندنې دا د داسې ځانګړې درملنې امکان هم برابروي چې د خوندیتوب ژونکو کمېدل سرچپه کړي یانې که له درملنې مخکې کمېدې له درملنې سره به زیاتېږي.

د لندن په تومس روغتون کې د سختې څارنې یا جدي مراقبت سلاکار مانیو شنکر- هاري وایي، نږدې ۷۰ سلنه ناروغان چې دی یې د کووېډ-۱۹ ناروغۍ په سخت مراقبت کې ویني- په یو مایکرولېټر کې له ۴۰۰ تر ۸۰۰ ټي ژونکې لري:

"کله چې د دوی رغېدل پیل شي، نو د لېفوسېټ یا ټي ژونکو کچه یې هم ښه شي".

* کورونا وېروس: کوم درمل ډېر هیله بښونکي دي؟

* د ملاریا درمل د کورونا وېروس ناروغانو ته ګټه رسولی شي؟

په سپیسیس(هغه عفونت چې ټول بدن نیسي) اخته کمو ناروغانو کې هم د اینټرولیوکین۷ معاینه شوی او دې ته لار برابره شوې چې د دې ځانګړو حجرو بې عیبه تولید ډېر شي.

اینټرولیوکین۷ د وینې له سپین ګلوبول ترشح کېږي او د بدن التهاب او دفاعي حالت ته ځواب کې مهم رول لري

دې ازموینه کې به دا- اینټرولیوکین۷- هغو ناروغانو ته هم ور کول کېږي چي کم لمفوسیټ یا ټي ژونکې لري او له دریو ورځو د ډېر وخت لپاره سخت مراقبت کې وي.

ښاغلی شنکر- هاري وایي: موږ هیله لرو چې کله د ژونکو شمېر زیات کړو، نو ویروسي عفونت به ور سره له منځه تلل پیل کړي:

""د ځانګړي مراقبت د طبیب په توګه هغه ناروغان څارم چې خورا بد وضعیت لري او نور هم ملاتړی مراقبت لري، موږ د دې ناروغیو مقابل کې کوم مخامخ فعال علاج نه لرو".

نوموړی زیاتوي، اوس چې برتانیا کې د دا ډول علاج طبي ازماینه کېږي د سخت مراقبت روغتیاپال یې ډېر هیله من کړي دي.

دې څېړنې داسې ځانګړو لارو موندلو ته هم څرک برابر کړی چې پکې دا ناروغي د خوندیتوب یا دفاعي سیستم سره تعامل کوي او پوهاند هایډې یې مهمه په دې بولي چې نړۍ کې ساینسپوهان په ارزښتناکو کلینیکي مالوماتو پسې دي:

"دا وېروس چې یو مخ یې په ځمکه بېړی حالت بدل کړی بې ساری دی. دا توپیر لري، دا بې مخینې دی".

د هغه په خبره، کورونا وېروس متفاوت دی او راتلونکې څېړنې چې دوی به یې سملاسي پیل کړي د هغه میکانیزم موندل اړین بولي چې له امله یې وېروس دا اغېز لري.