پښتونخوا کې وسله والو پر پوليسو بريد کړی

د پاکستان په خېبر پښتونخوا کې چارواکي وايي، نامعلومو کسانو پر پولیسو ډزې کړې، یو یې وژلي او یو بل ټپي دی.

دغه پولیس د پولیو واکسین ډلې په ساتنه ګومارل شوي وو.

دواړه پولیس د پېښور ښار په شاوخوا سیمه کې د ګوزڼ واکسین له کارکونکو سره له دندې وروسته خپل مرکز ته ستنېدل، چې ډزې پرې وشوې.

تر اوسه کومې ډلې د دغه برید مسوولیت نه منلی.

خو د تېر کال په اوږدو کې پاکستاني وسله والو تر دولسو ډېر ګوزڼ واکسین کارکوونکي او د هغوی ساتونکي وژلي دي.