د مرسي پلویان وايي له خپل دریځه به وانه وړي

د لیرې کړل شوي مصري ولسمشر محمد مرسي پلویان وايي دوی به د هغه په بیا واکمنېدو ټینګار کوي.

دغه څرګندونې د امریکا د متحده ایالاتو د بهرنیو چارو له مرستیال وزیر ویلیم برنز سره له خبرو وروسته څرګندېږي.

ښاغلي برنز د موقت حکومت له چارواکو سره هم لیدلي.

ولیم برنز او اروپايي استازی د دې لپاره قاهره کې دی، چې د دغه هېواد سیاسي بحران ته یو حل ومومي، چې له واکه د محمد مرسي له لېري کولو وروسته یوه میاشت مخکې پیل شو.

د یکشنبې په ورځ د موقت حکومت له مشرانو او اخوان المسلمین ګوند سره نورې خبرې هم پام کې دي.