استرالیا د پناه ورکولو قوانین سخت کړي

د استرالیا لومړي وزیر کیون راډ ویلي هېواد به یې د کډوالۍ د نوې تګلارې له مخې نور هغه چاته چې د کښتیو له لارې دغه هېواد ته ورځي، پناه ورنه کړي.

ښاغلي راډ وویل دغه کډوال به د پاپوا نیو ګیني له حکومت سره د هوکړې له مخې کې د یو کال لپاره پاتې شي.

نوموړي زیاته کړه دی مسؤولیت لري چې ډاډمن شي هېواد یې کلک سرحدي امنیتي سیستم لري، او په ورته وخت کې د کډوالو د کانسیون له مخې خپل قانوني مسؤولیتونه تر سره کوي.

نوموړي د نیو ګیني له لومړي وزیر پیټر اونیل سره یو ځای دا اعلان وکړ.