د مصر په مهمو ځایونو کې ځواکونه ځای پرځای شوي

د مصر پوځ د راتلونکې یکشنبې په ورځ د لویو پلان شویو مظاهرو نه مخکې د ولسمشرۍ د ماڼۍ په ګډون په مهمو ځایونو کې ځواکونه ځای پرځای کړي دي.

څو ورځې وړاندې د مصر د دفاع وزیر عبدالفتاح السیسي خبرداری ورکړی و چې پوځ به په هېواد کې د کډوډیو د مخنیوي لپاره مداخله وکړي.

په مصر کې د سیاسي ناآرامیو له امله ګڼ شمېر خلک اړ شوي چې له پلان شویو مظاهرو نه دمخه لومړني خوراکي توکي واخلي.

ویل شوي چې په مظاهرو کې به د ولسمشر محمد مرسي د استعفی ورکولو غوښتنه وشي.