حنان حبيبزى کابل

	ددغې ولسوالۍ ٢٢ کلي درې ورځې وړاندې نيزونو وځپل او يو مخ يي ويجاړ کړل

د افغانستان په شمال ختيځ ولايت بدخشان کې يو ځل بيا دبارانونو د ورښت له کبله نيزونه راوتلي او د وردوج په ولسوالۍ کې يي يو کلى وړى دى .
په سيمه کې د بي بي سي يو خبريال وايي څه له پاسه ١٠٠ کورنيو چې ددې کلي اوسيدونکي وو څيرمه کليو ته ليږدلي .
دا په درې ورځو کې دوم ځل دى چې د بدخشان ولايت د وردوج ولسوالۍ خلک د نيزونو د راوتلو له امله مالي زيانونه گالي .
د تيرې شپې په نيمايي کې د سيلاو څپو ددغې ولسوالۍ د اورچي او سر دې کلي وځپل .
د اورچي په نامه يو کلى چې گرد سره له منځه تلى دى له ١٠٠ څخه ډيرو کورنيو يي د څيرمه کليو جوماتونو او ښونځيو ته پنا وروړه .
دراپورونو له مخې دغه خلک خوراک او پوښاک ته په بيړني ډول اړتيا لري .
د بي بي سي يو خبريال چې ځپل شوې سيمې يي له نژدې ليدلي وايي چې په دغو کليو

ددغې ولسوالۍ ٢٢ کلي درې ورځې وړاندې نيزونو وځپل او يو مخ يي ويجاړ کړل . او٤ تنه سيمه ييزو خلکو يي په ترڅ ژوند له لاسه ورکړ

کې چاته ځاني زيان نه دى اوښتى خومالي زيانونه يي زښت ډير اړولي دي .

له څاريو نيولې د کورنيو تر شتمنيو پورې سيلاونو هرڅه ترې وړي او ځپل شوي خلک د مرستو په تمه شيبې شميري .
راپورونه وايي چې دغې ولسوالۍ ته ورتلونکې لارې ويجاړې او تړل شوي دي چې له کبله يي د سيلاو قربانيانو ته مرستې نه دي رسيدلي .
ددغې ولسوالۍ ٢٢ کلي درې ورځې وړاندې نيزونو وځپل او يو مخ يي ويجاړ کړل .
په دغو کليو کې څلور تنه سيمه ييز خلک د سيلاو څپو ووژل او په سلگونو خلک يي بې سرپنا کړل .
ددوى څاروي ، کرنيزې مځکې او شتنمۍ يي له منځه ويوړې .
بدخشان د افغانستان په شمال ختيځ کې ليرې پروت او غرنى ولايت دى چې د ټول ژمى او د سپرلي وروښتونه يي هر کال خلکو ته ځاني او مالي زيانونه اړوي .