خپلواک ساپى له کابله

	دا لومړى ځل دى چې امريکايان په صراحت د پاکستاني پوځيانو ونډه ستايي

دا په داسې حال کې ده چې د افغان چارواکو په پرله پسې توندو څرگندونوسر بيره د وسله والو طالبانو د کنترول له اړخه پر پاکستان نريوال فشا ر ورځ په ورځ په ډيريدو دى .

د بگرام له اډې نه په خپره شوې دغه اعلاميه کې له لويه سره ډاډ ښودل شوى چې د افغان ، پاکستاني او امريکايي ځواکونو ترمينځ د ترهگرۍ خلاف روانه جگړه کې د متقابلې همکارۍ کچه گواکې په چټکۍ په پراخيدوده .

ددې بيلگه د پکتيکا په شکين کې د جمعې په ماښام د پاکستاني پوځيانو په مرسته د هغو کسانو ځپل ښودل شوي چې د کرښې دې اړخ ته له بريدونووروسته يې بيرته د پاکستان خاورې ته د ننوتو هڅه کوله .

اعلاميه وايي چې پاکستاني پوځيانو، افغان او امريکايي ځواکونو ته په دقيق ډول د دغه وسله وال گروپ موقعيت وروښود او پايله د تښتيدونکي گرو پ له مينځه تله راوواتل.

که څه هم چې د ترهگرۍ خلاف جگړه کې د پاکستان د ونډې په اړه د افغان چارواکو د توندو څرگندونوخلاف د امريکايي پوځيانو څرگندونې تل په ا حتياط او هڅونوولاړې وې ، خو دا لومړى ځل دى چې امريکايان په دې برخه کې په دومره صراحت د پاکستاني پوځيانو ونډه ستايي .

په اعلاميه کې دا هم ويل شوي چې د گډې همکارۍ په پراخيدوسره به پولې ته په ور څيرمه ټوله سيمه کې امنيت په چټکۍ سره غښتلى شي او د اورپکو د تيريدوراتيريدو مخه به ونيول شي .

دوسله والو طالبانو د کنټرول په اړه پر پاکستان د لويديځ فشار د ځينوپه گومان ورو ورو اغيز پري باسي .

داسې اشارې شته چې پخپله افغان چارواکي هم گواکې پټه خوله د اورپکو خلاف د پاکستان له دې وروستي دريځ نه راضي دي ، خو لا يې هم په دې برخه کې د امريکايانوپه څير ډاگېزه څرگندونې نه دي کړي .