د پاکستان د بهرنيو چارو د وزارت وياندې د رسنوي له خوا د خورشيد قصوري را اخيستل شوې خبرې ناسمې وبللې

د رسنيو د هغه رپوټ په غبرگون کې د چارشنبې په ورځ په کابل کې د بهرنيو چارو وزارت بيان خپور کړ او دا خبره يې د افغانستان په کورنيو چارو کې د پاکستان د لاسوهنو يوه نخښه وبلله .

د پاکستان د بهرنيو چارو د وزارت په خپارۀ شوي بيان کې راغلي دي چې رسنيو د ښاغلي قصوري د يوۀ خصوصي محفل خبرې په ناسم او غلط ډول خپرې کړې دي .

له اسلام اباده خپور شوى بيان وايي (( پاکستان دا نه دې ويلي چې په افغانستان کې طالبان مخ په برياليتوب دي . ))

په افغانستان کې د ښاغلي قصوري په ادعا شويو خبرو نه يوازې د بهرنيو چارو د وزارت له خوا سخت غبرگون وښوول شو بلکې نن د ولسي جرگې په غونډه کې هم دغه مساله ياده او وغندل شوه .

په کابل کې د سيمې د مطالعاتو د څيړنې رسمي مرکز هم پر همدغو څرگندونو نن ( پنجشنبې ) يو سيمينار لري .