ميرويس افغان له کندهاره

	په کندهار کې وروستى ځانمرگى بريد نژدې يوه مياشت وړاندې پر لويه لار شوى و چې يوازې بريد کوونکى پکې وژل شوى و

دغه بريد د ښار په زړۀ کې د کندهار لوبغالي ته نژدې وشو .

په کندهار کې تر دې وړاندې د ٢٠٠٧ کال په ترڅ کې درې ځانمرگي بريدونه شوي دي دغه راز تير کال په لسگونو نورو ځانمرگو بريدونه دغه ولايت په نخښه کړ خو دا لومړى ځل دى چې د ښار په زړۀ کې دغه ډول بريد کيږي .

عيني شاهدانو بي بي سي ته وويل چې ظاهرآ د بريد کوونکي هدف د ملي امنيت يا استخباراتو يو گاډى و . خو بريد کوونکي له گاډي ښه ليرې ځان وچووۀ .

دا په تيرو اوو ورځو کې دريم ځانمرگى بريد دى چې د افغانستان په بيلا بيلو سيمو کې کيږي .

پرون په سويل ختيځ ولايت خوست کې هم يو ځانمرگى بريد شوى و چې يو پوليس يې وژلى و .

په همدې ترڅ کې په کندهار کې مېشتو ناټو ځواکونو نن پر يوۀ موټر چلونکي ډزې کړي او وژلى يې دى .

د عيني شاهدانو په وينا موټر چلونکى په چټکۍ روان و او د ناټو ځواکونو د دريدو غوښتنه يې نه وه منلې .

پر دۀ د ځانمرگي بريد کوونکي شک وشو او ډزې پرې وشوې .

په افغانستان کې ناټو ځواکونو څو ځلي له خلکو غوښتي دي چې د دوى کاروانونو ته دې نه ور نژدې کيږي .