طاهر خان له اسلام اباد څخه

	رابرټ ګيټس او کاندوليزا رايس به پاکستان ته په داسې وخت سفر وکړي چې د پاکستان او افغانستان ترمينځه په پوله د ماينونو د ښخولو او ازغن تار د لګولو په مساله تاوتريخوالى زيات شوى دى .

چارواکى وايي چې په حکمت عملي يا تگلاره باندې غور لپاره به د امريکې د دفاع وزير رابرټ ګيټس او د بهرنيو چارو وزيره کاندوليزا رايس به راتلونکى څو ورځو کې پاکستان ته سفر وکړي .

اسلام اباد کې د دفاع د وزارت يوۀ چارواکى وويل چې رابرټ ګيټس به د خبرو لپاره د دوشنبه په ورځ پاکستان ته سفروکړي .

د چارواکي ترمخه د امريکې د دفاع وزير به پاکستاني مشران په اسپانيا کې دافغانستان په اړه د ناټو د دفاع وزيرانو د غونډې له تفصيلاتو څخه خبر کړي .

د اسپانيا په غونډه کې رابرټ ګيټس د ناټو په هيوادونو افغانستان ته د نورو عسکرو او وسايلو ورکولو غږ کړى وو.

رابرټ ګيټس او کاندوليزا رايس به پاکستان ته په داسې وخت سفر وکړي چې د پاکستان او افغانستان ترمينځه په پوله د ماينونو د ښخولو او ازغن تار د لګولو په مساله تاوتريخوالى زيات شوى دى .

	تيره مياشت بيل گيټس په کابل کې له ولسمشر کرزي سره هم ليدلي و

د رپورټونو ترمخه دواړه غاړې به دپاکستان په قبايلي سيمو کې په روانو حالاتو او په خصوصي توګه د شمالي وزيرستان د موافقې په اړه هم خبرې وکړي چې د بعضو په نظر موافقې مثبتې نتيجې نه دي ورکړي .

رپورټونه وايي چې امريکه د شمالي وزيرستان په موافقه ډاډ منه نه ده او غواړي چې په سيمه کې د اور پکو په ضد نوي عمليات پيل کړى شي .

د تير کال د سپټمبر د مياشتې د موافقې وروسته هم په شمالي او جنوبي وزيرستان کې که يو خوا د پاکستاني ځواکونو له خوا د شکمنو کسانو په ضد هوايي بريدونه شوي نو بل خوا د اور پکو لخوا په پاکستاني عسکرو هم ځانمرگي بريدونه شوي دي .

ويل کيږي چې د ډيورنډ په کرښه د پاکستان له خوا د ماينونو ښخولو او اغزن تار د لګولو مساله به هم د پاکستان او امريکې د مشرانو د خبرو يوه بله موضوع وي کور کې دننه او په نړيواله سطح د ماينونو د ښخولو د پلان د مخالفت وروسته پاکستان ويلي دي چې کيدى شي دا کار ونه کړي .

ولې اسلام اباد اوس هم د اغزن تار د لګولو په دريځ ټينګ ولاړ دى .