دونو څانگې په ټول ښار کې پر واورو پټې دي . پر ځينو زور دومره راغى چې ورته ټينگې نه شوې خو په نورو پرته واوره لمر ته برېښي

پر ونو واوره داسې ښکاري لکه کابل چې د پسرلي په ورځو شپو کې وينئ ، څانگې داسې ښکاري لکه نوې غوټۍ چې يې کړې وي

د واورو له امله پر سړکونو تگ راتگ گران شوى ، که څه هم د ښار لوى سړکونه د ښاروالۍ له خوا تر يوۀ ځايه پاک شوي خو وړو هغو ته لا د چا پام نه دى اوښتى

د کابل د ښار په زړۀ کې او شاوخوا غرونه ټول تک سپين دي چې د لمر په رڼا کې لا ښه برېښي

د واورې له ورښت وروسته چې اسمان شين شي ساړۀ يو په دوه ډير وي خو د کابل اوسيدونکي لکه ورسره روږدي چې وي عادي ژوند پر مخ بيايي

په تاودۀ موټر کې مزل خوندد کوي خو گامونه يې پښه نيولي وي ځکه چې سړکونه يا کنگل شوي او يا په واورو داسې پټ دي چې د گاډو ټايرونه پکې ښويږي

د واورې تر ورښت وروسته ځينې خلک د واورو د پاکولو دنده خپلوي خو ډير خلک خپله د خپلو کورونو واوره پاکوي ، دا کار هم خوند لري هم وړيا دى

د روان ژمي دريمه واوره د مرغومي په لومړيو کې وشوه . د کابل اوسيدونکي وايي پخوا به تر دا مهاله ډيره واوره کيده خو د تيرو څو کلونو په پرتله سږ کال بيا هم ښه دى د تلويزيون د غرۀ تورې ډبرې تر ډيرو واورو پوښلي دي

تر شنۀ اسمان لاندې پر ونو بوټو سپينه واوره فضا شاعرانه کړې ده

که ناکام نه وي په داسې واورو او يخنۍ کې د پښو تر غوړولو د کړکيو تر شا د ښکلې واورې ليدل ډير خوند کوي