ولسمشر کرزي له پاکستان سره پر گډو پرمختيايي هڅو ټينگار وکړ .

د يوې بلې پوښتنې په ځواب کې چې د دواړو هيوادونو په پوله دې دېوال ودريږي چې د ترهگرو د اوښتو مخنيوى وکړي ولسمشرو کرزي مخالفت وښوود او ويې ويل چې دېوالونه بېلتونونه پيدا کوي .

په دې وروستيو کې ځينو سياسي کړيو داسې وړانديز هم لارۀ چې په نړۍ کې دې مېشتو پښتنو ته که هر ځاى اوسيږي د افغانستان تابعيت ورکړل شي او په دې توگه دې هغوى دوه گونى تابعيت ولري .

ولسمشر کرزي پاکستاني چارواکو ته ور په زړۀ کړه چې د طالبانو په واکمنۍ کې د افغانستان او پاکستان تر منځ د سود سودا کچه د کال ايله ٢٥ ميليونه ډالره وه خو اوس ١.٢ ميلياردو ډالرو ته رسيدلې ده .

افغان مشر پاکستاني سوداگرو په غوږ ووهل چې دغه سوداگري تر ٥ ميلياردو ډالرو رسيدى شي ځکه چې د افغانستان له لارې خپل توکي د منځنۍ اسيا بازارونو ته وړاندې کولى شي .

ولسمشر کرزي د پاکستان پوځي اکاډمۍ کې نن د پنجشنبې په ورځ ( ٢٧ سلواغې ١٦ فبروري ) په خپله وينا کې غوښتنه وکړه چې دواړو گاونډي هيوادونه دې د ترهگرۍ د جرړو د پرې کولو لپاره په گډه کار وکړي .

ښاغلي کرزي وويل افغانستان او پاکستان بايد د يوۀ ښيرازه راتلونکي لپاره په گډه کار وکړي .

ښاغلي کرزي وويل د دغو گاونډيو هيوادونو پېښې پر يوۀ بل ژورې اغيزې لري .

افغان ولسمشر ټينگار وکړ چې په يوۀ بې وزلي او بې ثباته گاونډ کې د پرمختيا هيلې ناشوني دي .

په همدې ترڅ کې د افغانستان د ولسمشرۍ دفتر له کابله په يوۀ خپارۀ کړي بيان کې ويلي چې پاکستان ته د سفر په ترڅ کې افغان پلاوي پاکستاني چارواکو ته د دوى په وينا د ١٥٠ ترهگرو نومونه ورسپارلي دي چې په هغۀ هيواد کې اوسيږي .

کابل د دغو کسانو د نيولو غوښتنه لري .

د افغانستان نور خبرونه د دې ځاى په کېکاږلو ترلاسه کړئ

د پاکستان نور خبرونه د دې ځاى په کېکاږلو ترلاسه کولى شئ