لاهور کې د واده جامو نندارتون

د پاکستان پنجاب ایالت په مرکزي ښار لاهور ښار کې د فېشن ډیزاین شورا او لورییل پاریس له لوري د ( ناوې اونۍ ) په نوم د واده جامو نندارتون پیل شو.

پاکستان فېشن ډیزاین شورا سږ کال د ساره نقوي، مریم امجد او امنه نعیم په شمول د دریو نویو ډیزاینرانو پنځونې نندارې ته وړاندې کړې.

دغه نندارتون به دوې ورځې دوام وکړي.

مسوولین وايي په نندارتون کې د عصري او کلاسیک ډیزاینونو ټولګه نندارې ته وړاندې کېږي.

په نندارتون کې د سینګار او وېښتانو نوې بڼه وړاندې شوي.

مسوولین وايي د نندارتونه په دویمه ورځ به د واده جامو ډیزاینونه نندارې ته وړاندې شي.

په دغه نندارتون کې د نومي انصاري، عمرفاروق، سایره شاکر، سایره رضوان، شمسه هاشواني په ګډون د پاکستان مشهورې ډیزاینرانې برخه لري.