د طالبانو حکومت مولانا فضل الرحمان ته د کابل سفر بلنه ورکړې
د عکس سرچینه، Jamiat Ulama-e-Islam Pakistan
د پاکستان جمعیت علما اسلام سیاسي او مذهبي ګوند لیکلي چې دغه بلنه په اسلام اباد کې د طالبانو حکومت سفیر مولانا فضل الرحمان ته سپارلې.
یاد ګوند په خپله اېکس پاڼه لیکلي چې دواړو لورو په دې لېدنه کې د افغانستان او پاکستان په اړیکو خبرې کړې دي او وایې چې ښې اړیکې د دواړو هېوادونو په ګټه دي.
یو شمېر نورو پاکستانيو رسنیو بیا لیکلي چې مولانا فضل الرحمان د طالبانو حکومت او پاکستان ترمنځ منځګړیتوب کوي.
د پاکستان د جمعیت علما اسلام ګوند په اېکس پاڼه هغه ویډیو او انځورونه هم خپاره کړي چې ښاغلی شکیب د مولانا فضل الرحمان کور/ یا دفتر ته ورځي او له نوموړي سره ګوري.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
رپوټونه کاږي چې د پاکستان د جمعیت علما اسلام مذهبي او سیاسي ګوند مشر به له طالب واکمنو چارواکو سره د ټي ټي پي یا پاکستان طالبانو پر سر د رامنځته شوې کشالې په اړه خبرې وکړي.
د پاکستانيو رسنیو په ټکو د منځګړي په توګه د مولانا فضل الرحمان د رامخته کولو موضوع وروسته له هغې مخته راغله چې په وروستیو کې یوه جګپوړي لویدیځ ډیپلومات پاکستان ته سفر وکړ.
په ورستیو ورځو کې پاکستان ته د افغانستان لپاره امریکا بهرنیو چارو وزیر ټام وېست سفر کړی وو.
د عکس سرچینه، MOFA
ښاغلي ټام وېست هغه وخت لیکلي وو چې د پاکستان د پوځ له مشر، د بهرنیو چارو وزیر او د کورنیو چارو وزارت د مرستیال په ګډون چارواکو سره یې د پاکستاني طالبانو غورځنګ له خوا دغه هېواد ته د سختو امنیتي ننګونو او همدا راز د افغان کډوالو په ګډون موضوعاتو خبرې کړې دي.
په افغانستان کې د طالبانو حکومت یا په اسلام اباد کې افغان سفارت او دارنګه پاکستاني لوري ددې نوي پرمختګ په اړه څه نه دي ويلي.
