تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
جاپانۍ الوتکې چې ۳۷۹ کسان په کې سپاره وو، پر ځغاستلیکه اور اخیستی
د جاپان هوايي شرکت یوې الوتکې په ځايي وخت د سه شنبې پر ماښام د توکیو هانډا هوايي ډګر کې د الوتنې پر مهال اور اخیستی.
په پېښه کې د جاپان د ساحلي ساتونکو پنځه تنه کارکوونکي وژل شوي دي.
په انځورونو کې ښکاري، چې د ایربس (۳۵۰اې) مسافر وړونکې الوتکه په سیمه ییز وخت پنځه بجې او ۴۷ دقیقې پر ځغاستلیکه په چټکۍ په حرکت کې وه.
دا څرګنده شوې چې د ساحل ساتونکي الوتکې په مرکزي جاپان کې د زلزلې د ژغورنې هڅو کې د مرستې لپاره بیړني توکي لېږدول.
په الوتکه کې د ساحل ساتونکو یو غړی ژوندی پاته شوی، خو سخت ټپي دی.
د توکیو په هایدا هوايي ډګر کې الوتنې بندې شوي او ډیری یې د جاپان نورو هوایی ډګرونو ته اړول شوې دي.
د جاپان دولتي ټلویزیون داسې انځورونه خپاره کړي چې په کې د الوتکې له کړکیو او لاندې د اور لمبې ښکاري.
د جاپان ساحلي ګارد تائید کړې چې د دوی یوه الوتکه له مسافر وړونکې الوتکې سره ټکر شوې ده. د راپورونو له مخې د جاپان د هوايي شرکت ویلي، ټول ۳۷۹ مساپر له الوتکې په خوندي توګه اېستل شوي دي.
د اور وژنې عمله پر ځغاستلیکه کار کوي، چې د الوتکې له کړکیو لمبې او لوګي په کې پورته کېږي.
الوتکه نژدې په بشپړ ډول ویجاړه شوې، خو هوایي عمله او ژوغورنکې ډلې د اور د کابو کولو هڅې کوي.
د رویټرز خبري اژانس د راپور له مخې، د جاپان ساحلي ساتونکي وايي، د دوی یوه الوتکه چې فکر کېږي له مسافر وړونکې الوتکې سره ټکر شوې، د نیګاتا هوايي ډګر ته روانه وه چې په نوتو ټاپوګانو کې زلزله ځپلو ته مرستې ورسوي.
