حنان حبيبزى بي بي سي پښتو ټکى کام،له کابله

	اى سي ار سي وايي چې په افغانستان کې ځانمرگو بريدونو او هوايي بمباريو د ملکي خلکو ژوند تريخ کړى دى

د پنجشنبې په ورځ له افغانستان څخه داى سي ار سي د پلاوي مشر ريټو سټاکر په جينوا کې وويل چې د خراب امنيتي حالت مانا داده چې نور او نور ولايتونه دمرستندويه کارکونکو لپاره له گواښونو څخه ډکيږي .

ښاغلي سټاکر وويل چې د طالبانو د ځانمرگو بريدونو او د ايتلافي ځواکونو د بمباريو

له کبله د ملکي خلکو د مرگ ژوبلې شميره ډيريږي اوپاتې شوني يې دېته اړ کيږي چې چې خپل کور کلى پريږي او بل ځاى ته کډه وکړي .

د اى سي ارسي چارواکي وايي چې دوى په جدي ډول د مرستو له کمښت سره مخامخ دي .

ښاغلي سټاکر وويل دى به په جينوا کې دا ټينگار وکړي چې ٣٠ سلواله په افغانستان کې د ټولنې په بوديجه کې ډيروالى راشي .

د٢٠٠٧ کال لپاره ددغې ټولنې بوديجه په افغانستان کې ٣٨ ميليونه امريکايي ډالره وه .

دافغانستان لپاره د اى سي ار سي استازي وويل چې دغه شميره به په ٢٠٠٨ کال کې ٥١ ميليونه امريکايي ډالرو ته ورسوي .

اى سي ارسي په جينوا کې خپله کلنۍغونډه کوي او هغه ستونزې څيړي چې د افغانستان په څير هيوادونو کې د ملکي خلکو د پرمختگ په وړاندې خنډ گرځيدلي دي .