سور صليب وايي دوى د بشري حقونو غوښتونکي دي او د دې لپاره به خپلې هلې ځلې نه پسې پريږدي .

له بي بي سي سره په يوه مرکه کې د امريکا د بهرنيو چارو د وزارت لوړ پوړي قانوني سلاکار جان بيلينگر ومنله چې يو شمير القاعده زندانيان شته خو دۀ د دوى شميره لږه وبلله او ويې ويل چې دغه کسان خورا خطرناکه دي او دوى نه غواړي چې له نورې نړۍ سره تماس ومومي .

تر دې وړاندې د ملگرو ملتونو د بشري حقونو عالي کمشنرې لويس اربر خپل تورونه بيا تازه کړي چې متحد ايالات او نورې هيوادونه د شکنجې د مخنيوي چارې کمزورې کوي .

له بي بي سي سره په يوه مرکه کې دې پر حکومتونو ټينگار وکړ چې په ښکاره ووايي چې پټ زندانونه لري که نه او يا دا چې گوښه شوي داسې زندانيان لري چې سور صليب يې د ليدو حق نه لري که نه .

د چارشنبه په ورځ ملگرو ملتونو کې د متحدو ايالاتو سفير جان بولټن پر دې نيوکې وکړې چې ويل يې د پټو زندانونو رپورټونو د اخلاقو په برخه کې د واشنگټن دريځ زيانمن کړى دى .
له بي بي سي سره په خپلې مرکې کې دې ټينگار وکړ چې دا د ملگرو ملتونو له خوا واک لري چې بشري حقونه وغوړوي او خوندي يې کړي او دا به همدې کار ته پسې دوام ورکوي .