د ادم بروکس رپورت ( د امريکا د دفاع وزارت لپاره د بي بي سي خبريال )

	د گونتانامو په زندانان کې زندانيان د خپل برخليک معلوميدۀ غواړي .

د نړيوال سره صليب کمېټه ډير لږ خپلې اندېښنې په ډاگه کوي . خو دوى دا کار په گونتانامو کې د خوراک نه کولو پر اعتصاب کړى دى .

وياندې اناتولا نتوريو وويل هلته زندانيانو د خوراک نه کولو اعتصاب کړى او حالت يې جدي وو خو دې دا ونه ويل چې سرۀ صليب د خپل سفر په ترڅ کې څه وليدل .

د امريکا پوځ وويل چې ٢٨ زندانيان د خوراک نه کولو په اعتصاب اخته دي . پوځ د نه خوړو اعتصاب هغه بولي چې څوک پکې په پرله پسې توگه نهه ځله ډوډۍ ونه خوري .

يوۀ پوځي وياند وويل د نه خوړو په اعتصاب د اختوو کسانو حالت له کلينيکي پلوه سم دى او له اړتيا سره سم خواړۀ او اوبه ترلاسه کوي .

د ځينو زندانيانو وکيلان وايي د دې مانا دا ده چې ځينو کسانو ته په زور خواړۀ ورکول کيږي .

يوۀ برتانيوي وکيل کلايو ستيفورد سمېت پر امريکايي پوځ تور ولگاوۀ چې ناروغان په خپلو بستروونو باندې تړي چې د خوراک ستنې ورکړي .

يوه بل وکيل په اعتصاب د بوختو کسانو شميره تر هغه ډيره لوړه وښووله چې امريکايي پوځ يې يادوي .

ځينې وايي چې په کمپ کې د نژدې ٥٠٠ کسانو له ډلې ٢٠٠ تنه له خوړو ډډه کوي .

په گونتانامو کې د نه خوړو د اعتصاب لومړنى رپورټ په جولاى کې ورکړل شو . پوځ وايي ځينو کسانو کله ناکله په دې اعصاب کې برخه اخيستې چې د خپلو شرايطو په باب شکايت وکړي او بيا يې بيرته په عادي خوراک پيل کړى دى .