اندريونارت کابل

افغان چارواکي وايي د مخکينو بريدونو په شان، دا ځل هم اورپکي له پاکستان څخه ورننوتي او بېرته همغې خواته تللي

د هلمند والي وويل چې د پوليسو مړي او سرونه د ديشو په ولسوالۍ کې غورځول شوي وه.

دغه پوليس د شنبه پر ورځ له هغه وروسته يرغمل شوه چې د گزمې پر کتار يې بريد وشوه. د هغو لږ تر لږه څلور نور ملگري په ډزو کې ووژل شول.

آخوا د طالبانو د هغې ادعا کوم خپلواک پخلى لاندى شوي چې وايي د يو تري تم شوى امريکايي پوځي سر يې د هېواد په ختيځ ، کنړ ولايت ، ور پرې کړى دى.

امريکايي پوځيان وايي لا هم د ورک شوي پوځي په لټه کې دي.

کابل کې زموږ خبريال اندريونارت په خپل ريپوټ کې وايي چې د هلمند چارواکو ويلي چې د پوليسو بې سره مړي د پاکستان له پولې ډېر لرې نه دي موندل شوي.

د هېواد په جنوب او ختيځ کې د پرله پسې تاوتريخوالي په لړ کې ، دا پېښه د بې رحمۍ له پلوه د ټولو په سرکې راځي.

د پوليسو بې سره مړي د پاکستان له پولې ډېر لرې نه دي موندل شوي د هلمند چارواکې

اندريو نارت وايي د دغو ټولو موخه ، نژ دې په يقين سره دا ده چې د هغو پوليسو او پوځيانو چې په دغو لرې پرتو سيمو کې عمليات کوي، لا ډېره وېره واچوي.

زموږ خبريال وايي دا افغان پوليس او پوځيان دي، نه په عملياتو کې برخه وال زرگونه امريکايي پوځيان ، چې تر ټولو ډېره مرگ ژوبله گالي.

افغان چارواکي وايي د مخکينو بريدونو په شان، دا ځل هم اورپکي له پاکستان څخه ورننوتي او بېرته همغې خواته تللي.

د پاکستان له ډاډينو سره سره چې وايي د دغه ډول تېرېدو را تېرو د مخنيوي لپاره ټول هغه څه چې په وس لري کوي، افغان چارواکې لاهم په دې باور دي چې گاونډى يې په دې اړه پوره هلې ځلې نه کوي.