मोनालिसा: विश्वविख्यात चित्रकलाको प्रतिकृति करोडौँ रुपैयाँमा लिलाम हुँदै

थोरै डेटा खपत गर्ने गरी पढ्न मिल्ने संस्करण हेर्नुहोस्।

मोनालिसा हेकिङ — तस्बिरको क्याप्शन, रेमन्ड हेकिङले मोनालिसाको प्रतिकृति सन् १९५० को दशकमा एक कलाविक्रेतासँग किनेका थिए

९ जुन २०२१

१३ जुन २०२१ अद्यावधिक

लिओनार्दो दा भिन्चीले बनाएको प्रख्यात चित्रकला मोनालिसाको एउटा प्रतिकृति प्यारिसमा विक्री हुन लागेको छ।

उक्त कलाकृतिले तीन लाख पाउन्डसम्म अर्थात् झन्डै ४.९ करोड नेपाली रुपैयाँ मूल्य पाउने अपेक्षा गरिएको छ।

उक्त कृति दा भिन्चीका एक अनुयायीले अठारौँ शताब्दीको सुरुतिर बनाएको विश्वास गरिन्छ। पछि रेमन्ड हेकिङ नामक व्यक्तिको स्वामित्वमा पुगेकाले हिजोआज त्यो कृतिलाई "मोनालिसा हेकिङ" भनेर चिनिन्छ।

हेकिङको मृत्यु सन् १९७७ मा भयो। उनले अहिले लूभ्र सङ्ग्रहालयमा भएको मोनालिसाको चित्र वास्तविक नभएको आशङ्का व्यक्त गरेका थिए।

त्यति मात्र हैन उनले सङ्ग्रहालयलाई त्यहाँ भएको चित्रकला वास्तविक मोनालिसा भएको प्रमाणित गर्न चुनौती दिएका थिए।

यो प्रतिकृति प्यारिसस्थित क्रिस्टीज् लिलामघरमा विक्री हुनेछ।

क्यान्भासमा बनाइएको उक्त कला हेकिङले नीसस्थित एक कलाविक्रेतासँग सन् १९५० को दशकमा किनेका थिए।

भिडिओ क्याप्शन सुरु हुँदैछ, दृष्टिविहीन कलापारखीले यसरी मोनालिसाको मजा लिन्छन्

"यो कृति अनि यसको इतिहासले मोनालिसा र लिओनार्दो दा भिन्चीको गौरवप्रतिको रुचि देखाउँछन्," क्रिस्टीज्‌ले एउटा विज्ञप्तिमा भनेको छ।

Skip धेरै पढिएको and continue reading

धेरै पढिएको

End of धेरै पढिएको

ओल्ड मास्टर पेन्टिङ्सका अन्तर्राष्ट्रिय निर्देशक प्येअर एट्येनलाई उद्धृत गर्दै क्रिस्टीज्‌ले भनेको छः मोनालिसा हेकिङ "एक कलानुरागी व्यक्तिको सपना हो। त्यो ती व्यक्तिको आदर्श हो।"

"कला इतिहासकार र विश्वभरिको सञ्चारमाध्यममा रेमन्ड हेकिङ त्यसको (मोनालिसा हेकिङको) निष्ठावान् रक्षक थिए।"