فريده نائبي

له دې ځايه يې واورئ!

دهغه بل بدعادت دا و چې په غاښونو به يې کلک شيان ماتول يوه ورځ يې چې مور سليمان په دې کار وليده نوډيره پرې په قهر شوه او ويې ويل:

"داکار دې غاښونه خرابوي." لږځنډوروسته سليمان دباندې لاړ، له فواد او احمدلوبې کولې، سليمان يو بادام په غاښ مات کړ.احمدسليمان ته وويل:

"کلک شيان دې په غاښونومه ماتوه". هغه داحمدخبره بابېزه تېره کړه او ويې ويل چې تل کلک شيان په غاښونوماتوم هيڅ هم نه کيږي.

فواد وويل چې آيا دوه بادامه هم ماتوی شې نوسليمان داکار آسانه وګاڼه، په سبا سليمان يو چارمغز په غاښومات کړ چې يوناڅاپه يې چيغه کړه

او له خولې يې دغاښ يوه ټوټه راويسته. بل وخت سليمان ډوډۍ خوړه چې يوناڅاپه يې دغاښ له دردچيغه کړه.

په آئينې کې يې وليدل چې يوغاښ يې تور شوی وي ډير ورته خپه شو چې هماغسې په خپګان ويده شو. په خوب کې يې دغاښ دټکټکي غږ احساس کړ

او له خولې يې يوچينچۍ راووت، سليمان دچينچي په ليدو وارخطا شو او پوښتنه يې وکړه چې ته څوک يې؟ چينچي وويل:

	سليمان خپل غاښونه ته پاملرنه نه کوله، چينچي ورته وويل چې ستا ټول غاښونه تور شوي دي.

"زه ستا دخولې چينچی يم چې ستا په غاښونو کې اوسيږم سليمان ترې وغوښتل چې لاړ شي خوهغه وويل چې زه دلته لا نوی راغلی يم.

چينچي سليمان ته وويل چې ستا ټول غاښونه تور شوي دي نوهماغه وي چې سليمان په چيغه له خوبه راويښ شو. ويې ليدل چې نور غاښونه يې روغ و او خپله کيسه يې مور ته وکړه، مور يې سليمان ډاکټر ته بوته.

ډاکټريې غاښ تداوي کړه اوپوه يې کړچې دانسانانو په غاښوکې چينچي نه وي خو ميکروبونه غاښونه توروي.

سليمان له مور او ډاکټر سره وعده وکړه چې نور به کلک شيان نه ماتوي او تل به خپل غاښونه برسوي.