رفيع الله نيازی

له دې ځايه واورئ!

لالو راغی، ارش ورته وويل:" مريمې راته وويل چې د لالو ماما ناوخته راتګ مې نۀ خوښېږي". مريمې پۀ غوصه وويل:" تا دا رازونۀ ساتۀ او لا لو ما ماته دې وويل".

لالو ارش ته وويل:" دې چې درته خبره کړې وه تا به ماته نۀ کوله، ځکه چې راز افشا کول ښۀ کارنۀ وي". پۀ همدغه اړه دوی ته يوه دريڅه پرانيزي.

خبريال وايي لۀ څو تنو ځوانانو سره يې د رازساتنې پۀ اړه خبرې کړي راځې خبرې يې واورې:

راز ساتونکی پر هر چا ګران وي او هر څوک پرې اعتماد کوي.

وليد وويل: "د ملګري راز مې افشا کړی و خواشيينی شو، عذر مې وکړ بياهم پخلا نۀ شو".

عرفان وويل:" راز ساتل يو ښۀ او نېک کار دی، زه مې د ملګرو رازساتم، هغوی راباندې باور او اعتماد کوي او د ټولو زۀ خوښېږمه هم". دريڅه تړل کېږي.

مريمې لالو ته وويل:"چې راتلو د ماڼۍ عکس مې پۀ اوبو کې وليدۀ لکه چې اوبو لاندې هم کومه ماڼۍ شته که څنګه"؟ ارش پرې وختدل.

لا لو ماما وويل:"اوبو لاتدې کېدای شي چې ډېر شيان و اوسي لکه: هوټل، ماڼۍ او داسې نورشيان". پۀ همدغه اړه دوی ته يوه دريڅه پرانيزي.

فرزانې فرهاد ته وويل:" چې د ترور زوی مې لۀ هندوستانه راغلی و، راته ويې ويل چې

هلته سمندر کې اوبو لاندې هوټل جوړ شوېدې، خو فرهاد يې نۀ مني دواړه حکيم بابا ته ولاړل.

	د هند په سمندر کې دا لومړنی هوټل دی چې له ښيښو او اوسپنو نه جوړ شوی.

حکيم بابا وويل: "دا هوټل ايېتا نوميږې، دهند سمندر په اوبو کې جوړشوی دی، د اوبو لاندې لومړنی هوټل دی چې لۀ ښيښو او اوسپنې نه جوړشوی دی.

فرهاد پوښتنه وکړه: "خلک پۀ کې تنفس څۀ ډول کوي ساه يې نۀ بندېږي"؟

حکيم بابا وويل: "لۀ ځمکې نه ورته د تونل پۀ څېر لاره تللې اکسيجن هم لۀ همدغې لارې ورځي".

وروسته تر دې دريڅه تړل او خپرونه پای ته رسيږي.