ليدا ساپۍ د بي بي سي دتعليمي خپرونوله لړۍ څخه

	په نشه روږدي ځوانان په پای کې له کورنۍ او ټولنې بېل اورواني حالت يې هم خرابيږي.

له دې ځايه واورئ!

کورنۍ او ټولنه دواړه د انسان په روزنه کې اړينه ونډه لري ، چې په حقيقت کې همدا دواړه د انسان شخصيت جوړونکي دي.

که چېرې په کورنۍ ياهم ټولنه کې داسې څه پېښ شي، چې دځوانانوله خوښې سره سم نه وي،هغوی يولړ ناخوالوته اړباسي.

له دې ناخوالونه يوه هم په نشه يي توکو دهغوی روږدي کېدل دي.داچې ددوی د روږدي کېدو نور لاملونه څه دي،ارواپوه شرف الدين رحيمي وويل:

له بدو او په نشه يي توکو له روږدو کسانوسره ناسته پاسته ځوانان په نشه روږدي کېدوته اړباسي.

ددې ترڅنګ په نصوارو او سګرټو اخته کېدل هم په نورو نشه يي توکود روږدې کېدو لامل کيږي، چې پايله يې له کورنۍ او ټولنې نه جلا والی اوبې خبره مړينه ده.

	په افغانستان کې ديو مېليون په شاوخوا کې کسان په نشه روږدي دي، چې ډېره برخه يې ځوانان دي.

په نشه يي توکو روږدي ځوانان په ټولنيز، اقتصادي، سياسي او فرهنګي برخو کې له زياتوستونزو سره مخ کيږې.

هغوی کار او کسب نه شي ترسره کولای ، له دې امله اړ کيږي، چې غلا ته لاس ور اوږد کړي.

ددې لپاره، چې خپل ځوانان مو په نشه يي توکوله روږدي کېدو ژغورلي وي، دهغوی کړه وړه، ناسته پاسته تعقيب او وړ بوختياوي بايد ورته ومومو.