ليدا ساپۍ د بي بي سي دتعليمي خپرونوله لړۍ څخه

	لوبې هغه جسمي او ذهني فعاليتونه دي، چې ماشومان يې دساعت تيرۍ لپاره تر سره کوي

له دې ځايه واورئ!

د افغانستان په دېری سيموکې خلک ماشومان دلوبوپرځای کار ياهم درس ويلوته هڅوي، چې پدې توګه ماشومان جسمي او ذهني کمزورتيا پيدا کوي.

ارواپوهان لوبې هغه جسمي او ذهني فعاليتونه بولي، چې ماشومان يې دساعت تيرۍ لپاره تر سره کوي ،خو د ګټې او زيان په اړه يې نه پوهيږي.

داچې خلک دماشومانو دلوبوپه اړه څه وايي، دکابل دشکردرې اوسېدونکي ميرزمان لوبې دماشوم دخوښۍ لامل وګاڼه.

دکابل د ښوونې او روزنې پوهنتون د ارواپوهنې دپوهنځي يو تن استاد شرف الدين عظيمي بيا دماشوم دلوبوپه اړه داسې وويل:

"ماشومان په لوبو کې هر هغه څه زده کوي چې په کور،وړکتون او ان تر دې چې په ښوونځي کې يې هم نشي زده کولی.

هر ه هغه لوبه چې ماشومان يي په وړکتوب کې تر سره کوې په راتلونکي کې يي په هماغه برخه کې استعداد هم وده کوي.

	ماشومان دلويانوپه پرتله لوبوته ډېره اړتيا لري.

خو څه وکړو، چې ماشومان مو سالمولوبو ته وهڅول شي؟ کارپوهان دکورنۍ دمشرانو دنده ګڼي، چې دنورو کارونوترڅنګ ماشوم ته دلوبو وخت او وسايل برابر کړي.

پدې کار سره به يې له يوې خوا دماشوم دذهني ستړيا دليرې کولو له پاره کار کړی وي او له بله پلوه به يې خپله وجداني دنده ترسره کړې وي.