مميز دې پداسې کوټه کې دوچېدولپاره واچول شي، چې آزاده هوا ورته ورسيږي.

له دې ځايه واورﺉ!

داشمېربڼوال اړ کيږي، چې مميزدخرابېدو له وېرې له وچېدو سره سم دهغې دموسم تر رارسېدو مخکې په کمه بيه وپلوري.

د کابل ولايت د استالف ولسوالۍ يو بڼ لرونکي وويل، چې تېرکال يې مميزپه بوجيوکې ځای پرځای او پلاستيک يې پرې اچولی و.

يادو مميزو نم پيدا اوڅه موده وروسته ټول خراب شوي وو. تجربه لرونکي بڼوال ددې دکار لامل په بوجيوکې دلمدومميزو ځای پرځای کول بولي.

ددې ترڅنګ دمميزو دساتلو ځای او لارې چارې اودهغوبوجيوډول، چې مميزپکې ساتل کيږي،هم پدې برخه کې دارزښت وړ رول لوبوي.

عبدالقهارد کابل ولايت د قرباغ ولسوالۍ اوسيدونکی پدې برخه کې خپله تجربه داسې بيان کړه:

موږ هرکال مميز په سړه کوټه کې هواروو، په بوجيو کې ډېر نه اچوو اوزياتې بوجۍ يودبل پرسرنه ږدو، چې مميزخرابوي.

	لامده مميزپه بوجيو کې ځای پرځای کول دهغې دژرخرابېدو لامل کيږي.

دکرنې پوهان دمميزوساتل هم دبڼ لرونکواو هم دمشتريانوپه ګټه بولي، ځکه چې بڼ لرونکی پکې ښه ګټه او مشتريان په ژمي کې ښه مميز ترلاسه کوي.

د کرنې وزارت د بڼ والۍ دبرخې يو کارکوونکی، سرمحقق صاحب داد پاکبين هم دمميزو دخرابوالي لامل له وخت نه مخکې دمميزو ټولول او په بوجيوکې ځای پرځای کول وګڼل.