ددې لپاره، چې پغلې په کورکې پاتې نشي، ځينې کورنۍ هغوی په وړکتوب کې دبل په نامه کوي.

له دې ځايه واورﺉ!

که چېرې ددې هېوادپه ليرو پرتوسيمو کې ځوانان وغواړي، پخپله خوښه دژوند ملګری وټاکي، دکورنۍ له کلک مخالفت سره مخ کيږي.

نجيبه دهرات ولايت يوې مېرمنې وويل، چې پلار يې ددې له خوښې پرته په شپاړس کلنۍ کې واده کړه.

پر دې برسېره يوشمېرنورو لا د ځوانۍ عمر نه وي پوره کړی، چې واده کولو ته اړکيږي.

کله نا کله په ټولنه کې شته رواجونه هم د دې لامل کيږي، چې کورنۍ دهلک او نجلۍ له خوښې پرته دهغوی دکوژدې او واده پرېکړه وکړي.

پدې رواجونو کې يو هم په کورونوکې دپېغلو نجونو پاتې کېدل شرم ګنل دي، چې کورنۍ اړ باسي هغوی په کوچنيتوب کې کوژده کړي.

	دافغانستان په کليو او بانډو کې ډېری ځوانان له دکوژدې دټاکلوله حق څخه بې برخې دي.

دا راز رسم او رواج له ځان سره ناوړې پايلې هم لري، چې صنوبر يفتل دبدخشان اوسېدونکې يې غوره بېلګه ده.

نوموړې وويل، چې پلاريې په ديارلس کلنۍ کې واده کولو ته اړ اېستله،چې تر واده وروسته يې دخسرپه کورکې دومره وهل خوړل ،چې له کورنه تېښتې ته اړه شوه.