م. حماس
د بي بي سي دتعليمي خپرونوله لړۍ څخه |  |
| | | د ونو منظمه دواپاشي او شاخچه بري په مېوه لرونکوونوکې دکنډ دپيداکېدومخنيوی کوي. |
دافغانستان په کليو او بانډو کې دخلکو اقتصاد په کرنه، بڼوالۍ او مالدارۍ ولاړ دی، چې له دې جملې نه بڼوالۍ ته زياته پاملرنه شوېده. کله نا کله يو لړ آفات او ناروغۍ دبڼ حاصل کم يايې بيخي له منځه وړي او دونو د وچېدو لامل هم کيږي. کنډ هم يو له هغو ستونزو نه شمېرل کيږي، چې کله په ميوه لرونکو ونو کې زيات شي دبڼ حاصلات کم او يا هم د وچېدوله ګواښ سره يې مخ کوي. د کابل دپغمان دقلعه منو دکلي اوسيدونکي محمدا جان څه له پاسه څلورسوو ونوتېر کال کنډ نېولی و، چې ځينې ونې يې وچې اوحاصل يې ونکړ. داچې دکنډ دپيدا کېدو مخنيوی څرنګه کيدای شي و دميدان وردګودجلرېز اوسېدو نکي د ونوپه ډډ دچونې اووهل اوکارتن ترې تاوول ګټور وبلل. خو کنډ څرنګه پيدا کيږي، هدايت الله عمر خېل دکرنې اوبڼوالۍ دبرخې کارپوه يې په اړه داسې وويل: دهوا يودم بدلېدل، يانې يودم ډېره تودېدل يا هم ډېره سړېدل اوپه مني کې دونوشاخچه بري هم دکنډ دپيداکېدو لامل کيدا ی شي. کنډناروغي نه ده خو کله چې په باکترياباندې بدله شي، ونه نشي کولای په سمه توګه غذا ټول بدن ته ورسوي، چې پدې توګه دهغې دوچېدل لامل کيږي. | | | په مېوه لرونکو ونوکې دکنډ ډېرېدل دونودوچېدو لامل هم کيږي. |
د کرنې کارپوهان دنيل توتيا، ژوندۍ چونې او شړشموتېلو ګډول اوپه ونه دهغې وهل ددې ستونزې په مخنيوي کې ګټور بولي. ددې ترڅنګ پخپل وخت دونو دواپاشي او شاخچه بري هم د ونو دکنډدپيداکېدو په مخنيوي کې مرسته کوي. | 
له دې ځايه واورﺉ!
د آبادۍ غږ : د پوليسو ګزمه 