محمد انور اندړ د بي بي سي دتعليمي خپرونوله لړۍ څخه

	هرهغه کار، چې دماشوم له توان نه وتلی ، دروند ياشاقه کار يې بولي.

له دې ځايه واورﺉ!

دماشوم درانه کارونه هغو ته ويل کيږي، چې دهغوی له توان پورته وي، لکه شفتلې رېبدل، په شا دروندبار وړل.

ددې ترڅنګ ځوزان لېږدو ل، خښتې اچول، خټې اوقلبه کول او داسې نورهم دماشوم لپاره درانه اوشاقه کارونه شمېرل کيږي.

عبدالرزاق دکابل ولايت د بګرام د چيکل د کلي يو ماشوم وويل، چې ځوزان وهي اوبيايې په شا وړي ياهم غنم لو کوي، چې ورته ستونزمن دي.

يوشمېر کسان ناداری اوترڅنګ يې په کليو او بانډو کې دښوونيزو مرکزونو نشتوالی د ماشومانو ددرنو کارونو دسرته رسولو لاملونه ګڼي.

	په کليو کې دښوونيزو مرکزونونشتوالی هم دماشوم ددرنوکارونو دسرته رسولو لامل کيږي.

خو ددې ستونزې دحل لارڅه ده؟ بلال صديقي دافغانستان دبشر دحقوقو دخپلواک کميسيون غړي دا کار ددولت دنده وګڼله.

هغه وويل، چې دولت ته ښايي دماشومانواودهغوی دکورنۍ داقتصادي ستونزو دحل لپاره ځانګړي پروګرامونه جوړ کړي.

ددې ترڅنګ دافغانستان دکار قانون

هم

په څرګندو ټکو کې په ماشوم باندې درانه کارونه سرته رسول منع کړي دي.