ژباړن : عارف رحيمی

	دشيدو ورکوونکو ميندو نامناسبه خواړه او بې خوبي هم دهغوی دشيدودکمښت لامل کيږي.

له دې ځايه واورﺉ!

يوشمېرميندې دخپلوشيدوپرځای ماشوم ته دغوا ياهم پوډري شيدې ورکوي. ناييبه يوه هم له همدې شان ميندوڅخه ده.

هغې وويل، چې يو تی يې شيدې نلري، دماشوم دمړښت لپاره دې ته اړه ده، چې هغه ته دغوا شيدې ورکړي.

روغتيايي کارپوهان دمور شيدې دنوی زيږدلي ماشوم لپاره ترټولو غوره خواړه بولي، ځکه چې په آسانۍ سره هضميږي .

داچې ديوشمېرميندو دشيدو دکمښت لامل څه دی، په اړه يې دکابل ښار دماشوم د روغتيا په روغتون کې موظف ډاکترعارف حسنزي وويل:

"دشيدو ورکوونکو ميندو نامناسبه خواړه ، بې خوبي ، فکری اوجسمی ناآرامۍ اويوشمېرناروغۍ دميندو دشيدودکمېدولاملونه کيدای شي."

يوشمېرميندې خپلې شيدې دکيفيت له پلوه کمزورې او دماشوم دوزن دکمښت لامل ګڼي، خوډاکتران داشان نظرونه ردوي.

	يوشمېرميندې ماشوم ته دخپلو شيدو پرځای پوډري شيدې ورکوي،چې په اسانۍ نه هضميږي.

که چېرې ماشوم ته وخت په وخت شيدې ورکړل او تی خالي شي، دشيدو دتوليد غدې په حرکت راځي اودزياتوشيدو دپيداکېدولامل کيږي.

له بلې خوا ډاکتران وايي، هغه ماشومان ډېرسو تغذي کيږي، چې دمور شيدې نه ورته رسيږي.

شيدو ورکونکو ميندو ته ښايي، چې دبدن داوبو دکموالي دمخنيوي په موخه دې په پوره کچه اوبلن خواړه لکه شيدې، چای، اوبه اود ترکارۍ ښوروا وخوري.