سيد مصطفی حماس د بي بي سي دتعليمي خپرونو له لړۍ څخه

	" هيله مې درلودله سوداګره شم، چې له نېکه مرغه خپلې دې هيلې ته ورسېدم."

له دې ځايه واورئ!

ذکيه دکاپيساولايت هغه مېرمن ده،چې غوښتل يې له کورنه دباندې دخياطۍ کسب زده کړي، خو دکورنۍ دمشرانوله مخالفت سره مخ شوه.

ددې برسېره په يوشمېرکليواوبانډوکې له کورنه بهردښځوکارکول ان که ډاکتري هم وي، دځان لپاره شرم اودپېغوروړ عمل ګڼي.

خو ددې سره سره يوشمېر ښځې ديولړستونزپه زغملو توانېدلي ، چې خپلې کورنۍ ته دقناعت په ورکولو ځانته دکار زمينه برابره کړي.

يوه له دې راز مېرمنونه دکابل دقره باغ اوسېدونکې پلوشه ده، چې دخپلې خوښې سره برابريې دسوداګرۍ کسب ته مخه کړېده.

هغه شمېر مېرمنې، چې پخپلوهڅوکې بريالۍ شوېدي،پدې باوردي، چې په ټولنه کې شتو رواجونو په ښځودمشرانودباورکچه راټيټه کړېده.

	دمېرمنوټولنې دهېوادپه ولايتونوکې دښځودستونزو دحل لپاره مرکزونه پرانيستي دي.

پدې برخه کې دافغانستان دښځوټولنې مشرې فتانې ګېلانې وويل، چې هغوی ددې راز محدوديتونودله منځه وړلولپاره يولړاقدمات ترسره کړيدي.

دې ټولنې ښځو دستونزودحل اوهغوی دکاري آسانتياوودبرابروپه موخه دهېواد په ډېرو ولايتونوکې مرکزونه رامنځته کړيدي.