سيدمصطفی حماس دبي بي سي دتعليکي خپرونوله لړۍ څخه

	ځوان هلک اوپېغله نجلۍ حق لري دخپل ژونددشريک په ټاکلوکې رضايت څرګند کړي.

له دې ځايه واورئ!

داچې ددې ډول ودونو لاملونه څه دي، خلک يې په اړه بېلابېل نظرونه لري.

دکابل دپغمان اوسېدونکی عتيق الله منيب يې لامل ددين اوداولادونوله حقوقونه دوالدينو بې خبري وښودله.

ددې ترڅنګ بې وزلۍ هم يوشمېر خلک دې ته اړباسي، چې خپلې لورګانې دپيسو په بدل کې په زور واده کړي.

يوه څوارلس کلنه مېرمن، چې دنوم له اخيستلو يې ډډه کوله، په زور يوه اوياکلن سړي ته واده شوې وه.

نوموړې ونه توانېدله، چې دژوندترپايه له خپل مېړه سره واوسي اودکورني تاوتريخوالي له امله دطلاق اخيستلوته اړه شوه.

	بې وزلۍ هم يوشمېر خلک اړباسي، چې خپلې لورګانې دپيسو په بدل کې په زور واده کړي.

ځينې اولادونه هم دژونددشريک په غوره کولوکې سم ګام نشي پورته کولی، چې داکار هم مور اوپلار اړباسي، چې دهغوی نظرله پام نه وغورځوي.

اسلام لارښوونه کوي، هغه هلک يا نجلۍ، چې دځوانۍ اوپېغلتوب پړاوته رسېدلې وي، حق لري، دخپل ژونددشريک په ټاکلوکې خپل رضايت څرګند کړي.