ميراحمد امانت

	دغوږ ګزک دغوږ دمنځنۍ برخې دمکروبي کېدوله کبله رامنځته کيږي.

له دې ځايه واورئ!

دسمنګانود اوسيدونکې، زاهدې زوي د غوږ دګزک له امله دوه ځلې عمليات شوی دی، خو ددې ناروغۍ دپيدا کېدو لاملونه څه دي؟

روغتيايي کارپوهان په سړه هوا کې دماشومانو ګرځېدل، په ناپاکو اوبو کې لامبل او د خونو ډېر تودول دماشوم دغوږ دګزک لامل کيدای شي.

ددې ناروغۍ نښې نښانې عبار ت دي له : تبې، نارامۍ، دشيدو نه خوړل، له غوږنه دخيرې راتلل او شين رنګه نس ناستی څخه.

دغوږ ګزک (٥) پړاوونه لري، چې په لومړيو دوو پړاوونوکې دغوږ پرده سالمه او هيڅ ډول مايع غوږ ته نشي دننه کيدلی.

دماشوم دغوږ دګزک درملنه بايد پرته له ځنډنه و شي، ځکه دډاکترشريف سيلاني په وينا که دغوږ ګزک ماغزو ته ولېږدي،دماشوم دکڼېدا لامل کيږي.

	په سړه هوا کې دماشوم ګرځېدل او په ناپاکو اوبو کې لامبل دغوږ دګزک لامل کيدای شي.

يوشمېرخلک ددې ناروغۍ لپاره کورنۍ درملنې کوي، لکه : دماشوم په غوږ کې دشېدو څڅول، په غوړو کې ګرمه شوې هوګه په غوږ کې اېښودل او نور.

روغتيايي کارپوهان کورنۍ درملنې دګټې پرځای زيان راوړونکي بولي او لارښوونه کوي، چې په سړه هواکې ماشوم دباندې پرې نښودل شي.

همدا راز دهغه په غوږونوکې دې دمايعاتو له تللومخنيوی وشي او ترڅنګ يې دچاپير يال پاک ساتل هم ددې ستونزې په مخنيوي کې ځانګړی ونډه لري.