ويدا بره کي

	مناسب خواړه د يوه ځوان دجسمي، فکري اوذهني سلامتۍ له ودې سره تړاولري.

له دې ځايه واورئ!

پدې موده کې دځوانانو دبدن وده ډېره ګړندۍ وي ، که چېرې هغوی ته پخپل وخت او مناسب خواړه ونه رسيږي، بدن يې له عمومي کمزورتيا سره مخ کيږي.

زمزمه دکابل ښار هغه اوسېدونکې ده، چې ديوه کال راپدېخوا دښو خوړو دنشتوالي له کبله دکمزورۍ او ستړيا احساس کوي.

دماشومانودمتخصص،ډاکټرعتيق حليمي په وينا د نوېو ځوانانو بدن د بلوغ په دوره کې (٥٠٪) کلسيم او (١٥٪) وسپنې لرونکو خوړو ته اړتيا لري.

ښه او مناسب خواړه نه يواځې د يو ځوان له جسمي سلامتۍ او ودې سره تړاو لري، بلکې ذهني او فکري فعاليتونه يي هم تر ډېره حده ورسره تړلي دي.

	که چېرې نويوځوانانو ته ښه خواړه ونه رسيږي، بدن يې عمومي کمزورتيا پيدا کوي.

روغتيايي څېړنو ښودلې، چې دکورنيو لخوا نويوځوانانوته دپروخت او مناسبو خوړو تيارول دهغوی دروغتيا او جسمي پياوړتيا ضامن کيدلی شي.

ددې لپاره، چې نوي بالغ ځوانان دنورو خلکو په پرتله ډېره انرژي لګوي او ترڅنګ يې جسمي وده هم په همدې پړاو کې صورت مومي، لازمه ده ، چې هغوی د راز، راز ويټامينونو لرونکي خواړه وخوري.