محمداياز ترنک

	غوجل دې مخ په لمر جوړه ، تازه هوادې ورته ورسيږي اوهڅه دې وشي، چې وچه وساتل شي.

له دې ځايه واورئ!

د کابل د بګراميو ولسوالۍ يوې مېرمنې وويل، چې په ژمي کې يې غوا په نمناکه غوجله کې ساتله، په پسرلي کې يې خام بچی وزېږاوه.

دڅارويوډاکټران په دې باور دي چې ټول څاروي ، په ځانګړې توګه بلاربې غواوې د يخ په وړاندې مقاومت نه لري.

که داسې څاروي د ژمي لخوا په تود ځای کې ونه ساتل شي، شيدې يې کمېږي او دبلاربې غواد سقط لامل هم کيږي.

د کابل پوهنتون د وتر نرۍ د پوهنځي استاد اسدالله په غوجله کې د يو ډول ګاز دشتون وويل، چې څاروي په سينه اوبغل اخته کوي.

ددې لپاره، چې څاروي موپه ژمي کې له سړې هوا خوندي ساتلي وي، غوجلې مخ په لمر جوړې او وخت په وخت دې پاکې شي.

	که دغوجلې هوا تازه نشي، په غوجل کې ديوډول ګاز شتون څاروي په سينه اوبغل اخته کوي.

څاروي هم د انسانانو په څېر آزادي هوا ته اړتيا لري، غوجله بايد پراخه او څاروي دې يوله بل نه په فاصله کې وساتل شي او هڅه دې وشي، چې دغوجلې ځمکه تل وچه وي.