 | | | دنري رنځ درملنه د افغانستان دتوبرکلوز په ځانګړو مرکزونو کي په وړيا ډول ترسره کيږي. |
نری رنځ( توبرکلوز) يو له هغو ساري ناروغيو څخه ده،چې هر کال په افغانستان کې په سل ګونو تنه پرې اخته کيږي. پدې ناروغۍ دنارينه وو په پرتله ښځې ډېرې اخته کيږي، چې لاملونه يې په کم عمرکې ودونه، له ناروغانو سره اړېکې اونېستي په ګوته شويدي. ددې ترڅنګ چاپيريال او شخصي روغتيا ساتني ته نه پاملرنه او په نمجنه او بنده فضا کې دقالينو اوبدل هم د دې ناروغۍد لېږد لامل کيږي. مينا او د هغې خور له څلورو مياشتو راپدېخوا د کابل ښار ددريم پروان دتوبرکلوزپه (٣٥) بستريز روغتون کي بستر دي. مينا وويل، چې داناروغي دهغې له خور نه دې ته لېږدېدلې ده. نوراقا زاهدد توبرکلوز د روغتون دځانګړي مرکز يو تن ډاکتر وويل: "نری رنځ مرګونې ناروغي ده، خو د درملني وړ ده،چې مکروب يې د ټوخي، خندا اوخبرو له لارې لومړی فضااوبيادتنفس له لارې روغ انسان ته لېږدي. که له دوو اوونيو زيات ټوخې او په بلغم کې وينه وليدل شوه، ناروغ دې د توبرکلوز درملني نږدي روغتيايي مرکز ته د تدواي لپاره ځان ورسوي." | | | نری رنځ ددرملنې وړ دی،خوکه درملنه يې ونشي، انسان دمړينې له ګواښ سره مخ کوي. |
ددې ناروغۍ نښې نښانې د ټوخي سره بلغم، ستړيا، بې اشتهايي، وزن بايلل او د شپي له مخې تبه او خولې دي. د توبرکلوزد ناروغۍ درملنه د افغانستان د ټولو برخو دتوبرکلوز په ځانګړو مرکزونو کي په وړيا ډول ترسره کيږي. | 
له دې ځايه واورئ!
د آبادۍ غږ : د پوليسو ګزمه 