 | | | دناروغ څاروي له محصولاتونه دګټې اخيستنې پرمهال بروسلوز انسان ته لېږديٍ. |
څېړنو ښوولې چې د انسانانو او حيواناتو تر منځ ځينې ګډې ناروغۍ هم شته ، چې بروسلوسز ( حيواني محرقه ) هم له يوه له همدې ډول ناروغيو څخه ده. روغتيايي کارپوهان وايي چې مېرمنې د نارينه په پرتله ډېرې دبروسلوسز په ناروغۍ اخته کيږي، خو ددې کار لامل څه دی؟ دکابل دانتاني روغتون ډاکټر عابد نصرت وويل، چې په کلو کې خلک دشيدو، مستو، کوچو، کورتواو چکې دلاسته راوړلوپه موخه حيوانات ساتي. دحيواني محصولاتونه دګټې اخيستنې پرمهال پدې ناروغۍ له اخته څاروي نه دا ناروغي روغ انسان ته په اسانۍ دلېږد وړده. ددې ناروغۍ په درملنه کې ځنډ د مېرمنو په ګېډه کې د ماشوم د مړينې او حتی د تل لپاره د ماشوم د نه راوړلو ستونزې هم رامنځته کوي. پدې ناروغۍ داخته کېدونښې نښانې د هډوکو شديد درد، تبه، له بدن څخه بدبويو خولو جاري کېدل او دبدن کمزورتيا ده. دبروسلوسزله ناروغۍ نه دخوندي ساتلولپاره دې غوښه ښه پخه شي او شېدې دې کم ترکمه (١٥) دقيقې وايشول شي چې شته مکروب يې له منځه ولاړ شي. | | | دبروسلوزدناروغۍ په درملنه کې ځنډمېرمنې دماشوم دنه راوړلوله ستونزې سره مخ کوي. |
هغه مېرمنې چې په پرله پسې ډول مړه ماشومان نړۍ ته راوړي، غوره ده چې د بروسلوز ناروغۍ د معايناتو لپاره ډاکټرته مراجعه وکړي. کله چې له کورنيو حيواناتو سره تماس نيسو خپله پوزه که په دستمال کلکه وتړو ښايي د دې ناروغۍ مخنيوی مو تر ډېره بريده کړی وي. | 
له دې ځايه واورئ!
د آبادۍ غږ : د پوليسو ګزمه 