 | | | پخپل سر دار و دګټې پرځای نورې روغتيايي ستونزې زېږوي چې درملنه يې سختيږي. |
په افغانستان کی يوشمېر خلک دځينو ورپېښوروغتيايي ستونزو ددرملنې لپاره پرته له دې چې ډاکتر ته ولاړشي، پخپل سر دارو خوري چې ددوی داکارناوړه پايلې لري. د قره باغ ولسوالۍ اوسېدونکی عاشق الله د اقتصادي ستونزو له کبله ډاکتر ته نشي تللی، پخپل سر دارو اخلي او خوري يې. محمد عمر د کابل ښار يوه درمل پلورونکي وويل چې نېږدې (٪٧٠) مشتريان يې دډاکترله نسخې پرته دارو ترې اخلي. ډاکټران وايي، چی هرډول دارود انسان په بدن کې يو دوران لري او له هر ځايه چې تېريږي خپل اثرات پرېږدي. په خپل سر دارو خوړل د ډېرو ناروغيو لامل کيږي. د کابل په اندرا ګاندي روغتون کې موظف ډاکټر عتيق الله حليمي وويل: "په خپل سر داروخوړل د زړه، معدې، پښتورګو اويوشمېر نورو ناروغيودپيدا کېدو لامل کيږي." | | | پخپل سر دارو خوړل دانسان په بدن کې دراز، راز ناروغيودپيداکېدو لامل کيږي. |
د روغتيايي ستونزو ددرملنې غوره لار روغتيايي مرکز يا معالج ډاکترته دناروغ تګ دی ځکه پخپل سر دارو خوړل دګټې پرځای نورې روغتيايي ستونزې زېږوي اوکله ناکله انسان دمرګ ترپولې هم رسوي. | 
له دې ځايه واورئ!
د آبادۍ غږ : د پوليسو ګزمه 