شمشاد عمر شينواری

	ناروغ ته دې مايعات، اېشېدلې سړې اوبه او او،آر، اس ورکړل شي.

له دې ځايه واورئ!

نس ناستې هم يوله همداشان ناروغيوڅخه دی چې دګرمۍ په موسم کې دنه پاملرنې په صورت کې ماشوم ډېرژرپرې اخته کيږي.

د کابل په اندراګاندي روغتون کې ډاکټر اسلم الکوزی د اسهال د ناروغۍ لاملونه يوشمېرمکروبونه ښيي.

دا مکروبونه له ناپاکه لاسونو، نامينځلو مېوو اوککړوخوړو له لارې د انسان بدن ته داخلېږي.

ددې ناروغی پر مهال د ماشوم دبدن اوبه کمې او هغه کمزوری کيږي او که په مناسب وخت يې درملنه ونشي ، د مړيني لامل يې هم کيدای شي.

صفيه د کابل د ده سبز اوسيدونکې د اسهال دناروغۍ پر مهال خپل ماشوم ته غوښه او مېوه نه ورکوي او پرځای يې کورنۍ درملنه غوره بولي.

	نس ناستی يوه مکروبي ناروغي ده چې دګرمۍ په موسم کې ماشوم ژر پرې اخته کيږي.

ډاکټران پخپل سردرملنه اوپرهېز زيان راوړونکی بولي او وايي چې ناروغ ته دې مايعات، اېشېدلې سړې اوبه او او،آر، اس ورکړل شي.

ددې ناروغۍ دمخنيوي لپاره دې دماشوم لاسونه اود خوړو لوښي تل پاک وساتل شي، تازه مېوه اوترکاري دې له خوړومخکې دنيم ساعت لپاره په مالګينواوبه يا پټاس کې ومينځل شي.